san carlo 2 bassa bresciana.qxd - Brixia Sacra

BASSA ORIENTALE
Acquafredda, San Bernardino
[a. Acta visitationis, ff. 228v-229v;
Brescia, XXVIII, ff. 29r-31r; XL, ff. 43r-47r]
[b. Decreta particularia, ff. 202r-203r;
Brescia, XXVII, ff. 221v-222v, 224r; XXIX, ff. 24r-25r]
[a. CHIESA PARROCCHIALE DI SAN BERNARDINO DI ACQUAFREDDA]
[f. 228v] Die 21 martii praesentis anni
Visitavit ecclesiam Sancti Bernardini loci Aquaefrigidae, in qua ob maius
populi commodum exercetur cura animarum quae alias administrabatur in
ecclesia parochiali Sancti Blasii, deinde intra eius ecclesiae fines visitavit
infrascriptas ecclesias, oratoria, cappellas, schola et pia loca. Quae consecrata
est, populi capax sed inornata. In ea Sanctissimum Sacramentum assidue
asservatur cum lampade perlucenti impensis parochi. Reliquiae sacrae
quaedam adsunt in choro. Baptisterium incongruum.
Altaria tria, videlicet altare maius, altare Sanctissimi Sacramenti cum
schola [f. 229r] sub eodem titulo. Adest in dicto altari legatum librarum
130 in anno relictum a quondam Antonio Bergamo cum onere celebrandi
quotidie, cui satisfit; aliud legatum relictum a quondam Francisco Romanulo
cum onere celebrandi duo officia mortuorum infra octavam commemorationis
defunctorum cui satisfit. Cappellanus mercenarius ad dictum
altare est praesbiter Massus de Nobilibus loci Cerreti diocesis spoletanae,
annorum 44, sacerdos qui docuit legitime de eius ordinibus praeterquam
de prima tonsura; exibuit item dimissoriam per annum tantum concessam
de mense iulii 1579. Habitat in domibus conductis expensis confraternitatis
Sanctissimi Sacramenti. Altare Beatae Mariae Virginis cum schola Rosarii.
Coemiterium nullum, sed sepeliuntur cadavera in coemiterio supradictae
ecclesiae parochialis. Sacristia adest 1 . Domus parochiales non adsunt.
Fabrica ecclesiae nullos redditus habet sed ad eam contribuunt parochus
et communitas ad libitum. Redditus parochiales in anno ducatorum
circiter 200. Titularis est reverendus Ioannes Maria Rizzardus civis brixiensis
annorum 42, sacerdos, qui docuit legitime de ordinibus et titulo beneficii.
Non habet clericum. Bene audit, ressidet ac habitat in domibus con-
283