san carlo 2 bassa bresciana.qxd - Brixia Sacra

BRIXIA SACRA
quidem oneri opportunis incumberent canonici si domos haberent, in quibus
habitare apud ecclesiam possent ut alii tres canonici, ideo populus eiusdem
universitatis impensa curet omni solicitudine rationem inire, ut aedificetur
ecclesia ad usum dictorum duorum canonicorum, quae aliis aedibus
canonicalibus omnia haec erant, situsque in hunc usum eisdem concedatur
ab archipresbitero legitima auctoritate.
Tres saltem clerici accolyti semper in habitu incedentes, quorum alter
impensis [f. 222v] archipresbiteri teneatur, alter vero et capituli et archipresbiteri,
tertius impensis etiam omnium confraternitatum et capellanorum,
qui titulo canonicatus, capellani, seu legati, aut nomine scholarum in hac
ecclesia celebrant. Impensae, quae ad sacramenta administranda, reliquaque
officia parochialia exercenda spectant in his, quae non providebuntur vel a
societate Corporis Christi vel a communitate, ea fiant sumptu archipresbiteralis
beneficii. Quae vero impensae pertineant ad officia capitularia in
choro, ut puta paramenta et mappae pro divinis officiis, et missa conventuali
quotidie celebranda, fiant communi sumptu archipresbiteri cum capitulo
pro rata parte fructuum omnium cuiuscunque praebendae archipresbiteralis
et canonicalium, sine ulla deductione etiam functionis caussa.
Cera omnis, quae datur in officiis, quae celebrantur pro mortuis aut
quae datur in funere, excepta illa quam singuli clerici in manibus gestant et
quae occasione etiam vel matrimoniorum, vel sponsorum benedictionis,
vel baptismi in ecclesia, aliave quavis offertur, ea tamen excepta quam scholis
piis dari iam consuetudinis est, deinceps consensu archipresbiteri et
capituli, ac canonicorum in visitatione praestito sit archipresbiteri et capituli
cum onere providendi semper ceram et intortitia in omnibus missis
etiam privatis, et aliis officiis parochialibus archipresbiteri, ac etiam pro
cereo paschali et pro distributione, quae fit in festo Purificationis Beatae
Mariae, si quid vero defuerit suppleatur eiusdem archipresbiteri et capituli
sumptu. Oblationes vero, quae in missa fiunt, et alia emolumenta omnia,
quae ratione curae obveniunt, sint solius archipresbiteri, exceptis illis quae
consueverunt esse societatis Corporis Christi, [f. 223r] et si quid privatim
donatur alicui sacerdoti, qui etiam aliquod officium parochiale ministrarit
in ecclesia vel foris. Sit capsa in sacristia duabus clavibus munita, quarum
una sit penes archipresbiterum, et altera penes capitulum, in qua capsa
reponantur eleemosinae quae dantur pro celebrandis officiis mortuorum
tam a privatis quam a scholis.
342