san carlo 2 bassa bresciana.qxd - Brixia Sacra

BASSA CENTRALE
Fiesse, San Lorenzo
[a. Acta visitationis, ff. 194r-195r;
Brescia, XL, ff. 287r-288r]
[b. Decreta particularia, ff. 156r-158r;
Brescia, XXVII, ff. 87r-89v]
[a. CHIESA PARROCCHIALE DI SAN LORENZO DI FIESSE]
[f. 194r] Die iovis XVII praedicti mensis et anni
Visitavit et caetera ecclesiam parochialem Sancti Laurentii loci del Fiesco et
deinceps intra eius fines infrascriptas ecclesias et oratorium, quae consecrata
creditur et inornata et in ea Sanctissimum Sacramentum assidue conservatur
in tabernaculo super altari maiori, ante quod lampas ardet impensis
rectoris. Baptisterium adest incongruum. Altaria quinque habet, videlicet
altare maius, altare Praesentationis seu Nativitatis Beatae Mariae dotatum
a quondam praesbitero Bartholameo de Gambaris et a quondam de
Cartapaciis, redditibus annuis scutorum viginti duorum cum onere missae
quotidinae vacat et missae tres a curato celebrantur ex ordine reverendissimi
ordinarii cum annua mercede librarum 22. Altaria reliqua indotata,
sachristia nulla. Cimiterium est undique apertum.
Domus parochialis est ecclesiae annexa quae locatur laico. Redditus
annui huius parochialis beneficii sunt scutorum 75 cum pensione ducatorum
25 de camera domino Oratio Iuvenali. Rector titularis [f. 194v] est
praesbiter Ioannes Costa brixiensis, aetatis annorum 54, legitime docuit de
titulo et ordinibus, habitat cum matre et fratre in aedibus laicalibus, clericum
non habet. Animae sunt 2000 ex quibus 800 sanctam comunionem
summunt. Schola Doctrinae christianae exercetur.
Schola Corporis Domini antiqua, de cuius errectione non constat,
habet regulas non comprobatas. In ea descripti sunt scholares numero 140.
Regitur a duobus sindicis et ministro qui singulis annis mutantur et in
ingressu scholae a scholaribus novis nescit quid solvitur. Redditus annuos
habet librarum decem praeterea ellemosinas quae impenduntur in cereos,
oleum pro lampadae et ornatum altaris. Computa quottanis videntur praesente
rectore ut videtur ex libris.
135