san carlo 2 bassa bresciana.qxd - Brixia Sacra

BASSA ORIENTALE
altaria octo habet videlicet altare maius et reliqua indotata ut dictum fuit.
In ea Sanctissimum Sacramentum assidue asservatur cum lampade perlucenti
impensis ipsorum fratrum. Sacrae reliquiae asservantur in custodia in
choro. Monasterium est annexum praedictae ecclesiae in quo vivunt quatuor
fratres qui in ecclesia celebrant. Oleum infirmorum ad usum fratrum
et aliorum saecularium de licentia praepositi parochi tenent in sacristia.
Oratorium Sanctae Mariae de Cucumerio est apertum, indiget reparatione,
redditus non habet.
[f. 224r] Oratorium campestre Sancti Laurentii parvum, in eo est unicum
altare in quo non celebratur, dicitur habere etiam petiam 7 unam terrae
quae unita fuit praepositurae.
Ecclesia Sanctae Mariae ad Helisabeth non consecrata, est angusta et eget
reparatione. Habet unicum altare in quo raro celebratur. In ea est clericatus
sine onere celebrandi, ut dicitur, cuius annui redditus ducatorum circiter 60
singulis annis sunt. Titularis est praesbiter Dominicus Barchinus archipraesbiter
Casalis Alti; collatio dicitur spectare ad abbatem Pomponsiae Ferrariae.
Oratorium Sancti Antonii situm erat extra oppidum quod iam aliquibus
annis fuit penitus convulsum sine erectione crucis in eo loco ad praescriptum.
Habet agellum, cuius annui redditus sunt auri unius. Titularis est
reverendus *** de Cottonis, Brixiae commorans.
Oratorium Sancti Petri, situm in loco magnifici domini capitanei Romuli
de Botaliis extra oppidum, indiget reparatione et ornatu. Habet unicum
altare in quo celebratur in die festivitatis eiusdem et aliquando ex devotione
patroni.
Oratorium Sancti Michaelis extra Castrumguffredum, ruinosum. In eo
est unicum altare in quo non celebratur. Non est consecratum, quamvis
alias habuisset coemiterium, ut dicitur. Nullos habet redditus sed collectis
reparatur.
Oratorium Sancti Viti, extra oppidum, angustum est, cum unico altari,
in eo non celebratur. Habet petiam unam terrae redditus ducatorum duorum,
quae dicitur unita praebendae praepositurali.
249