san carlo 2 bassa bresciana.qxd - Brixia Sacra

BASSA CENTRALE
Concubinarii videantur in libro processuum. Schola Doctrinae christianae
singulis festis exercetur. Schola Rosarii adest ab annis tribus instituta.
In ea adsunt scholares numero 20 vel circa, regitur a gubernatore, vicegubernatore,
sindicis et massario. Nullum redditum habet praeter elleemosinas,
quae convertuntur in ornatu altaris. Administrationum rationes redduntur
paroco, qui etiam est gubernator ipsius scholae.
Schola Sanctissimi Sacramenti adest antiqua, de cuius errectione non
constat, habet regulas antiquas non tum confirmatas, regitur a tribus sindicis
et duobus massariis et duodecim consiliariis, qui singulis trieniis
mutantur; redditus annui sunt librarum 105 imperialium ultra elleemosinas
quae impendunt in celebrationem missae, in cereos, oleum pro lampade et
elleemosinas quae pauperibus egrotantibus et puelis maritandis dantur;
rationes redduntur parocho praesente qui etiam est sindicus; visi fuerunt
libri et bene reguntur.
Mons pietatis adest, cuius institutum est mutuo dare blada pauperibus,
videlicet quartam unam pro bucca, ut dicitur, sub fideiussione restituendi
tempore futurae messis. In eo est suma modiorum centum septuaginta bladorum,
videlicet sichalis et milii. Regitur a tribus deputatis a comunitate et
a massario cui merces est constituta scutorum quatuor in anno, non
mutantur; visi fuerunt libri et bene tenentur.
Oratorium Sanctae Mariae in cemiterio Sancti Laurentii praedicti est
parvum, incongruum 6 ; altare solum 7 habet dotatum [f. 205r] a quondam
domino praesbitero Guerino Lucio alias canonico cum onere missae quottidianae
quae a reverendissimo ordinario in duas missas redacta fuit ob
tenuitatem redditus. Redditus librarum quinquaginta quae solvuntur per
praesbiterum Hippolitum Spalentiam heredem. Cappellanus est ipsemet
praesbiter Hippolitus absens et satisfacit per dominum praesbiterum Hippolitum
Picinellum brixiensem, aetatis annorum 35 qui habitat in domibus
ecclesiae, legitime docuit de ordinibus.
Oratorium Sancti Domini campestre distans a parochiali per miliaribus
duobus parvum, altare solum habet, nullum redditum. In eo non celebratur,
praeterquam occasione defferendi Sanctissimum Sacramentum infirmis
pro comoditate habitantibus in aedibus circumvicinis.
177