san carlo 2 bassa bresciana.qxd - Brixia Sacra

VISITA AI MONASTERI
Asola, Monastero di Santa Chiara
[a. Acta visitationis, ff. 744r-745r;
Brescia, XIII, q. 5b (1-3)]
[b. Decreta particularia, ff. 187v-189r, 227r-228r;
Brescia, X, ff. 158r-160r; XIII, q. 10 (52-55)]
[a.] [f. 744r] MONASTERIUM SANCTAE CLARAE
Visitavit ecclesiam, monasterium ac sacristiam monialium Sanctae Clarae
loci Asolae districti Brixiensis sub regula secunda latiore sanctae Clarae
militantium, quae regimini ac curae fratrum minorum Sancti Francisci subsunt;
recitant officium more Romano. Primo autem loco exteriorem ecclesiam
visitavit, deinde a provinciali, ac earum confessario *** [f. 744v] tribusque
aliis sacerdotibus aetate provectioribus in monasterium deductus a
monialibus congruo processionis ordine in capitulum exceptus fuit. Ubi
habuit de more sermonem. Primo in ecclesiam interiorem, tum clausuram
totam, deinceps monasteriun diligenter exquisivit. Moniales sunt numero
24. Videlicet professae ab officio 19. Conversae professae 5. Ecclesia exterior
et interior est satis angusta et demissa.
Sanctissimum Sacramentum asservatur in fenestella in pariete, quae
etiam in ecclesia interiori est aperta. Fenestella sacrae communionis est
nimis magna. Fenestrae ecclesiae interioris in viam publicam respiciunt et
sunt demissae. Fenestra in loco confessionis habet laminam quae aperiri
potest penitus. Adsunt et aliae fenestrae, ex quibus in viam publicam prospici
potest.
Reverendissimus ordinarius concessit facultatem duabus conversis
egrediendi e septis monasterii, soror Mariae de Guerris et soror Helisabeth
de Rubeis, causa quaestuandi eleemosynam dummodo non pernoctent
foris; ipsae vero abusae sunt facultate, nam et ad alia negotia egressae sunt,
scilicet ad ornandum altare in ecclesia exteriori, ad sternendum lectum
confessarii, ad sua praedia visenda et ad alia, et aliquando extra monasterium
pernoctarunt, ut ipsae dixerunt; hac de caussa censentur excommunicationis
sententiam incurrisse, una etiam ex ipsis ingressa est intra claustra
fratrum Sancti Francisci.
423