san carlo 2 bassa bresciana.qxd - Brixia Sacra

BRIXIA SACRA
clericalem defferat. Cappellani oneri suo quottidiano in suis altaribus satisfaciant,
nec onus aliarum missarum recipiant.
Ne diebus festis nundinae fiant, vel mercatus in hoc oppido agrove,
neve ulla res prohibita vendatur sub poena interdicti ab ecclesia; quo
decreto in ecclesia publice ab archipresbitero semel promulgato [f. 167r]
in eos qui contravenerint, vicarius foraneus exequatur poenam praedictam
et alias sacris canonibus et litteris pontificiis sancitas. Reverendus Salomon
archipresbiter celebret omnibus diebus festis et per hebdomodam ad
praescriptum concilii provinciali ac omnia sacramenta, et praesertim baptismi
et extremae unctionis et matrimonii, per se ipse ministret, sacris litteris
studeat ut muneri praedicationis satisfacere possit, et infra sex menses
subiiciat se examini ordinarii ad praedicta munera praedicationis verbi
Dei, et administrationis poenitentiae subeunda, et interim catechismum
romanum comuni lingua editum seu alium librum arbitrio episcopi ad
altare legatum.
Presbiter Iacobus de Agazolis titularis cappellaniae Sancti Bernardini ne
ullo unquam tempore deinceps conversationem aliquam seu commercium
cum Paula Scarpolina, de qua filios suscepit, habere praesumat sub poena
scutorum quinquaginta locis piis applicandorum arbitrio reverendissimi
ordinarii et suspensionis a divinis pro prima vice, et crescente contumacia
privationis sui beneficii et aliis gravioribus poenis arbitrio ordinarii. Servet
omnino exsilium a loco et territorio Pontisvici per annos quinque proximos
iuxta decretum contra eum in actis visitationis factum et per eum [f.
167v] acceptatum, cuius copia per reverendissimum ordinarium seu eius
vicarium ipsi presbitero Iacobo edatur.
Schola Corporis Domini
Massarii scholae Sanctissimi Corporis Domini rationem administrationis
suae quottannis reddant praesente rectore, vel altero ex coadiutoribus. Ne
in posterum in societate adscripti, et qui in dies ascribentur, cogantur solvere
praescriptam taxam trium soldorum, sed tantum a sponte offerentes
exigi possint.
Montis pietatis
Montis pietatis massarii, et exactores quotannis 17 constituantur, et rationes
reddant praesente rectore.
166