san carlo 2 bassa bresciana.qxd - Brixia Sacra

BRIXIA SACRA
trium legatorum quae omnia possidet, et habet onus celebrandi diebus festis
et septies in hebdomada. Exhibuit provisionem primi legati tantum et instrumenta
eius ordinum, ex quibus apparet promotum fuisse ad subdiaconatum
in 16 et ad sacerdotium in 20 aetatis suae anno. Habebat dispensationem
promovendi posse ad sacerdotium in 25 anno. Coadiuvat in cura animarum,
quo in munere non est scientia tolerabilis. Habitat in domibus propriis.
In dicta ecclesia est aliud pium relictum a quondam reverendo Petro de
Viis de Roma omnium eius bonorum, cum onere celebrandi omnibus diebus
festis de praecepto, cui oneri satisfit. Cappellanus amovibilis est Franciscus
Lanciavechia loci Rotundischi, annorum 65, sacerdos, qui docuit legitime
de eius ordinibus. Non habet beneficium. In munere celebrandi potest
tolerari, exercet quoque curam animarum, sed eo in munere non videtur
scientia tolerandus. Suspectus est de avaritia [f. 245v] et mercatura. Habitat
in domibus propriis. Coemiterium parietibus vallatum est. Sacristia adest
sed nimis angusta. Domus praepositurales ecclesiae annexae sunt. Fabrica
ecclesiae nihil habet, sed praepositus et communitas ad libitum contribuunt.
Redditus annui praepositurales sunt scutorum 200, super quibus est
onus sustinendi cappellanum curatum, cui oneri praepositus satisfacit.
Praepositus titularis est Iulius de Toninis loci Canneti, annorum 61,
sacerdos, qui promotus fuit ad subdiaconatum in 20 et ad sacerdotium in
21 suae aetatis anno ex dispensatione legati Bononiensis concessa dummodo
in 22 anno constitutus esset. Docuit de titulo praepositurae quam obtinuit
in permutationis cum praepositura Sanctae Mariae de Rovano de anno
1565. Scientia in munere parochi quo fungitur potest tolerari. Habitat in
domibus praeposituralibus sine clerico. Cappellanus mercenarius cum
annua mercede aureorum 12 et victu; et coadiutor praepositi in cura animarum
est Mattheus de Toninis loci Canneti, annorum 58, sacerdos, qui
docuit legitime de eius ordinibus. Scientia in munere coadiuvandi, non est
tolerandus. Est bonae vitae. Habitat simul cum praeposito. Animae sunt
circiter 2250, quae his sacram communionem sumunt sunt 1500. Scholae
Doctrinae christianae frigide exercetur.
Schola Sanctissimi Sacramenti. Erecta in dicta ecclesia praepositurali de
anno 1507, non habet regulas approbatas. Regitur a duodecim consiliariis,
duobus massariis, duobus sindicis, quatuor visitatoribus et tot visitatricibus
qui mutantur sed non quotannis. Habet redditus annuos librarum 160
ex quibus vi diversorum legatorum celebrantur officia terdecim quot annis
372