san carlo 2 bassa bresciana.qxd - Brixia Sacra

BASSA CENTRALE
[b.] [f. 138r] In ecclesia parochiali Sanctorum Gervasii et Prothasii
loci de Sancto Gervasio
Pyxis ad formam paretur infra mensem pro Sanctissimo Sacramento conservando,
cui velum decens superponatur. Tabernaculum ligneum drapo
serico vestiatur, et conopeum superponatur infra mensem. Baptisterium
clathris sepiatur, et sacrarium coniunctum habeat ad 1 formam instructionum
generalium. Conopeum decens ciborio superponatur, idque infra sex
menses. Cotyla decens, et bursa sericea ad formam, infra mensem adhibeatur
vasculis oleorum sacrorum. Altare maius prope parietem transferatur,
vel alia cappella fiat maior, in qua altare reponatur, clathrisque [f. 138v] ferreis
sepiatur infra sex menses impensis pensionarii et populi. Bradella ad
formam fiat. Provideatur de lapide sacrato ad formam. Cappella altaris
Corporis Domini dealbetur, et oculus supra altare obturetur. Impedimenta
extra cappellam tollantur. Patena ipsius altaris termino mensis inauretur.
Calix in pede firmetur. Provideatur infra mensem de corporalibus quatuor,
et duodecim purificatoribus ad formam. Altaria Sancti Iohannis Baptistae,
Sanctae Mariae et Sancti Antonii tollantur infra octo dies, quorum onera et
emolumenta, si quae habent, transferuntur ad altare Corporis Domini,
attenta loci angustia, ut sepi non possint.
Pavimentum navis secundae deprimatur, et aequaletur solo ecclesiae, et
reparetur ruine dictae navis. Pavimentum ecclesiae resarcinetur, et parietes
dealbentur infra quatuor menses impensis etiam pensionarii. Scala, per
quam ab ecclesia ascenditur campanile, tollatur. Sacristia maior fiat a parte
aquilonari, et in ea fiat lavatorium et oratorium ad formam, nec non et
armarium pro servandis paramentis. Paramenta varii coloris iuxta ritum
ecclesiae ad usum celebrandi missas et ornatum altaris etiam impensis pensionarii
comparentur. Provideat curatus de purificatoribus duodecim ad
formam. Caemiterium muro sepiatur ne bestiae ingredi possint. [f. 139r]
Curatus clericum manuteneat, qui in habitu et tonsura semper incedat, et
in hac ecclesia inserviat.
Et quoniam rectori ipsi propter onus, quo praemitur, annuae pensionis,
non satis relinquitur unde vitam suam sustentet, nedum ecclesiam reparare,
suppellectilique instruere, aliaque pro divino cultu parochialibusque muneribus
necessaria providere possit, iccirco aucthoritate apostolica nominatim
etiam delegata 2 decernitur, ut reverendus Rodulfus Rainalducius, cui ex fruc-
83