san carlo 2 bassa bresciana.qxd - Brixia Sacra

BASSA ORIENTALE
San Fermo [di Redondesco], San Fermo
[a. Acta visitationis, ff. 246v-247v;
Brescia, XXVIII, ff. 66r-67r; XL, ff. 236r-237v]
[b. Decreta particularia, ff. 247r-248r;
Brescia, XXVII, ff. 137v-138v]
[a. CHIESA PARROCCHIALE DI SAN FERMO DI SAN FERMO]
[f. 246v] Die 11 aprilis praedicti mensis et anni
Visitavit ecclesiam Sancti Firmi loci Sancti Firmi sub praepositurali et curata
ecclesia Sancti Mauritii de Rotundisco et in hac dicta ecclesia ex antiqua
consuetudine ipsius [f. 247r] rectores curam animarum exercuerunt, ut
etiam apparent vestigia, nempe tabernaculum, baptisterium et sepulturae
idque roboratur ex dicto antiquorum hominum ut in processu et haec consuetudo
non videtur tollenda ob incommodum eundi ad ecclesiam predictam
Sancti Mauritii. Consecrata creditur. Sanctissimum Sacramentum non
asservatur. Baptisterium adest sed de praesenti in eo non baptizatur. Altaria
duo adsunt, videlicet altare maius et altare Sanctorum Sebastiani et
Rochi cum schola Sanctissimi Sacramenti.
Huius ecclesiae solemnitas celebratur in vigilia Sancti Laurentii ex voto.
Nundinae habentur penes dictam ecclesiam per tres dies, videlicet vigilia et
die Sancti Firmi dieque Sancti Laurentii. Coemiterium est apertum.
Domus ecclesiae satis commodae sunt. Redditus annui huius ecclesiae sunt
ducatorum 18, eleemosynae vero quae singulis annis huic ecclesia fiunt
acquiruntur rectori, quae ut plurimum quotannis sunt ducatorum dicitur
40. Nam vestes, imagines cereae et argenteae etiam ac alia huiusmodi offerentur.
Rector titularis est Dominicus de Torolis loci Rotundischi, annorum
42, sacerdos, qui docuit legitime de eius ordinibus et titulo beneficii.
In munere celebrandi scientia tolerabilis, non autem in munere parochi et
multis potiusquam sacerdotis personam sustinere videtur familiaritatibus
laycorum adictus. Celebrat in hac ecclesia diebus festis et aliquoties in hebdomada.
Habitat in domibus ecclesiae sine clerico. Animae in hoc loco
sunt 107, quae ex his sacram communionem sumunt 64. Schola Doctrinae
christianae non exercetur.
381