san carlo 2 bassa bresciana.qxd - Brixia Sacra

BASSA ORIENTALE
testitudine lateritia, suffulta culumna marmorea in angulo cum pedestallo.
Clathra ferrea sepiatur super gradu superiori a duabus partibus apertis.
Altari extra capellam maiorem a latere epistolae fiat idem ornamentum,
quod fiet altari Sanctissimi Sacramenti, quo ad tegumentum, gradus et
clathram. Altaria alia omnia tollantur, quod si alia construenda erunt, ne
fiant nisi cum nitia vel capella extra parietem eminentem, et in loco a reverendissimo
ordinario designando, et ab utroque latere ecclesiae, quae sibi
invicem respondeant et conveniant.
Ostium sacristiae fiat in angulo capellae maioris iuxta clathram ferream
e regione ostii campanilis. Oculus fiat in sacristia in pariete orientem versus
pro tuenda sacristia ab humiditate. Pavimentum sacristiae aliquantum
elevetur, vel tabulis sectilibus, vel fornicibus parvis et strictis. In sacristia
fiat armarium ex tabulis nuceis ita amplum, ut capiat capsulas ductibiles
distinctas, longeque patentes, in quibus, et pro colorum varietate, indumenta
sacra expansa dispartitaque et [f. 184r] ordine asserventur.
Oratorium extruatur cum scabello, ut sacerdotes celebraturi paulisper
sese ante colligere, atque orare possint. Lavatorium item cum sinu concavo
ad aquam recipiendam ad formam extruatur in pariete coemiterium versus.
Thurribulum cum acerra et cochleari comparentur quamprimum impensis
scholae Corporis Christi, quae talia sint ut loci dignitati respondeant. Velamina
quattuor pro calicibus, varii coloris pro ratione temporum emantur.
Calices omnes intra duos menses inaurentur, et praesertim calix prophanatus,
qui denuo conflandus est. Corporalia decem et purificatoria quadraginta
infra tres menses cum bursis ad usum corporalium quattuor comparentur.
Pelviculae item tres decentes eodem termino habeantur. Paramenta
pro ornatu altaris, et ad usum celebrationis missarum varii coloris iuxta
ritum ecclesiae ex instructionibus comparentur impensis reservatarii.
Eadem confraternitas provideat de mappis quattuor ad usum sacrae communionis.
Vas item aeneum cum binis manubriis, et satis amplum ad usum
abstergendi calices et lavandi corporalia ematur.
Quoniam extra ecclesiam ab utroque latere cuilibet aditus patet ad coemiterium,
unde multa foeda in illo committuntur, mandatur ut ab utraque
parte inter murum vallantem coemiterium et parietem frontispicialem
ecclesiae alius murus erigatur, tam eminens ut nemo in coemiterium possit
ingredi, in dictis tamen muris extruendis duae fiant portae cum suis valvis,
sera et clavi munitis, neque aperiantur nisi quando [f. 184v] coemiterio uti
215