san carlo 2 bassa bresciana.qxd - Brixia Sacra

BASSA ORIENTALE
Bocchere, Santa Margherita
[a. Acta visitationis, f. 221v;
Brescia, XXVIII, f. 16r; XL, ff. 76r-v, 122v]
[b. Decreta particularia, ff. 193r-193v;
Brescia, XXVII, f. 198v-199r; XXIX, f. 5r]
[a. CHIESA PARROCCHIALE DI SANTA MARGHERITA DI BOCCHERE]
[f. 221v] Die 14 martii suprascripti anni
Visitavit ecclesiam parochialem Sanctae Margaritae loci Bocheriarum quae,
ut fertur, est de iure patronatus communitatis obtento de anno 1530 per
dotationem ducatorum decem auri in anno ex quodam ficto libellario percipiendo;
est consecrata, angusta et inculta, suppellectili ecclesiastica fere
destituta. Non asservatur Sanctissimum Sacramentum. Habet unicum altare.
Domus parochiales sunt ecclesiae annexae. Coemiterium non septum.
Vacat iam multis annis per resignationem presbiteri Balthassaris. Animae
sunt circiter 150 quae sacram communionem sumunt 70. Doctrina christiana
non exercetur.
[b.] [f. 193r] In parochiali ecclesia Bocheriarum
Homines universitatis Bocheriarum, qui ius 1 praesentandi habent, dotem
augeant, ita ut praesentandus commode sustentari valeat. Ecclesiam reparent
et ad meliorem formam redigant. Altare maius redigatur ad formam et
cancellis saltem ligneis sepiatur. Habeat crucem, candelabra, aliaque necessaria
impensis eiusdem communitatis. Baptisterium fiat ad formam
instructionum. Si infra duos annos ad meliorem formam ecclesia haec
redacta non fuerit, in ipsa sacramenta non ministrentur.
Ordinationes personales
Presbiter Ludovicus de Cataneis doceat legitime coram ordinario termino
unius mensis [f. 193v] de ordine subdiaconatus, ad quem dicitur promotus
243