san carlo 2 bassa bresciana.qxd - Brixia Sacra

BRIXIA SACRA
cui de presenti non satisfit ob carentiam sacerdotis. Annui redditus sunt
librarum quadraginta quinque, quae in casu carentiae sacerdotis errogandae
sunt pauperibus ex dicto relicto; ad dictum altare sancti Rochi aliud adest 2
onus missarum duarum in hebdomada ad quod tenetur idem consortium
ex relicto comitis Iacobi de Schazetis, annui redditus sunt librarum quadraginta
imperialium. Cappellanus mercenarius est suprascriptus praesbiter
Camillus de Ferrariis.
Praeterea in haec 3 ecclesia est onus missarum quatuor singulis mensibus
ex relicto quondam Bernardini Carariae dicti Tondini ad quod tenetur
dominus Alexander Cararia pro medietate et pro alia medietate domini
Baptista et Achiles fratres de Careria, dominus Alexander satisfacit. Aliud
est onus missae unius in hebdomada, ad quod tenetur dominus Baptista
Rocha ex relicto [f. 196r] quondam domini Francisci Rochae eius patris,
qui in specie obligavit petiam terrae ubi dicitur ad Croppellum, qui dominus
Baptista satisfacit. Cimiterium est undique septum, sacristia est angusta,
domus parochiales sunt contiguae ecclesiae intermedio cimiterio in
quibus nunc habitat massarius bonorum ecclesiae, quae reparatione egent.
Redditus annui huius beneficii parochiales sunt scutorum centum vel circa
cum annua pensione scutorum quinquaginta domino Ioanni Antonio de
Gasparinis rectoris fratri. Rector est archipraesbiter; titularis est praesbiter
Ioannes de Gasparinis brixiensis, aetatis annorum 60, ab annis quindecim
praeteritis per re[sin]iationem reverendi domini Alberti de Cavrianis prioris
Sancti Marci de Mantua, legitime docuit de titulo et ordinibus. Nullum
habet clericum. Animae sunt 977, ex his sacram comunionem sumunt 500.
Schola Doctrinae christianae exercetur.
Schola Corporis Domini errectionem neque regulam habet; descripti
sunt scholares 50; excipiuntur soldos 3 a quolibet scholaro cum in scholam
admititur; regitur a duobus sindicibus et massario qui non mutantur. Redditus
annuos habet scutorum duorum ac etiam ellemosinas cum onere missae
unius in hebdomada ex legato quondam Ioannis de Ghidinis; expendunt
in celebrationem dictae missae, in cereos ac offitia pro confratribus;
administrationum rationes redduntur praesente rectore, filii quondam et
heredes Ambrosii de Cabballis alias masarii huius scholae debitores remanent
dictae scholae librarum -, soldorum 10, occasione administrationis;
exhibuerunt libros qui bene 4 describuntur.
142