san carlo 2 bassa bresciana.qxd - Brixia Sacra

BRIXIA SACRA
ad illam relinquendam ac fructus restituendos a die praedictae occupationis,
prout iuris erit, compellantur. Deputati Consortii agant ad recuperationem
librarum 550 contra haeredes magistri [f. 187r] Evangelistae Pastelli,
seu dominum Matheum Picinellum fideiussorem, quas debent pro conductione
bonorum dicti consortii pauperum. In posterum homines et universitas
non audeant vendere, seu quovis titulo alienare, aliqua bona dicti
consortii sine legitima apostolica Sedis facultate, neque ad longius tempus
triennio locare sine ordinarii saltem licentia in scriptis obtenta; et omnis
alienatio aliter quam sic facta, nulla nulliusque momenti sit. Reddant rationem
administrationis reverendissimo ordinario, seu alii ab eo deputando,
praesente etiam archipresbitero.
In ecclesia, seu oratorio rurali Sancti Georgii
Ecclesia Sancti Georgii omnino reparetur, impensis eorum ad quos de iure
pertinet, amoto poenitus muro ecclesiam ipsam dividente.
In oratorio Sancti Georgii existente in aedibus Canonicorum regularium
Oratorium Sancti Georgii existentis in aedibus Canonicorum regularium,
in quo celebratur, amplietur ad praescriptum instructionum et in eo non
celebretur sine facultate a superioribus scripta impetrata, et donec a reverendissimo
ordinario probatum non fuerit. Claudatur sera et clave. Altare
construatur ad formam, et cruce et candelabris, palio, aliisque necessariis
ornetur, ac in eo petra sacrata, quae sit ad formam, inseratur. Ne deinceps
aliquid prophanum fiat in eo, nec retineatur.
In oratoriis ruralibus
In oratoriis Sancti Rochi in Novalibus, Sancti Rochi in Braghezzana, Sanctae
Christinae in vicinia Calvisani, Sancti Iohannis in Novalibus et Sanctae
Mariae in vicinia Calcinati in posterum non celebretur, et claudantur ne bruta
ingredi illa possint, clavesque remaneant sub custodia archipresbiteri.
220