san carlo 2 bassa bresciana.qxd - Brixia Sacra

BASSA ORIENTALE
iure tenentur, constitutis poenis et censuris arbitrio suo; eos item, ad quos
spectat, cogat subire alia onera parochialia. Altare redigatur ad formam, et
aliqua pictura decenti et approbata ornetur, interea in ecclesia non celebretur.
Dictum altare sepiatur saltem cancellis ligneis. Provideatur de cruce et
duobus candelabris auricalchi. [f. 246r] Ipse reverendissimus ordinarius
uniat huic curae eas capsinas et familias, quae aliis curis ob distantiam sunt
nimis incommodae.
In ecclesia Sancti Zenonis campestri
Oratorium Sancti Zenonis reparetur, aequetur pavimentum. Altare ad formam
redigatur, et alia, quae pro ea reparatione necessaria erunt, praestentur. Ostium
laterale muro claudatur, nec in dicto oratorio aliquid prophani retineatur.
In oratorio Sancti Rochi Foenilium territorii Rotundischi
Oratorium Sancti Rochi olim ab hominibus Foenilium incolis ex voto constructum
reparetur, et tectum cum suffita construatur. Altare redigatur ad
formam et cancellis ligneis sepiatur. Homines provideant de paramentis ad
ornatum altaris et usum celebrationis missarum necessariis. Item satisfaciant
oneri ex voto contracto celebrare faciendi diebus festis et aliis diebus
in dicto oratorio iuxta voti formam. Curae sit vicarii foranei et hominum
incolarum invenire sacerdotem, qui celebret, et satisfaciat dicto oneri, qui
tamen sacerdos ab ordinario probetur.
In ecclesia Sancti Petri, membro praeposituralis
Altare maius redigatur ad formam, et pavimentum resarciatur.
In ecclesia Sancti Cassiani in territorio Rotundischi
Oratorium Sancti Cassiani reparetur, et intus undique dealbetur. Altare
maius sub nicia ad formam instructionum construatur. Teneatur clausum
sera et clavi, quae sit penes curatum parochiae Marianae, in [f. 246v] cuius
finibus situm est. Titularis persolvat quotannis decem pro centenario fructuum
et reddituum eiusdem ecclesiae parocho Rotundischi pro sustentatione
unius clerici, qui idoneus sit, et in habitu et tonsura incedat, et praedictae
ecclesiae adscriptus sit, ubi continuo inserviat et suis muneribus fungatur.
Quae onmia praestentur impensis titularis ex fructibus sequestratis in
manibus Bernardini Raparini conductoris bonorum dictae ecclesiae.
379