san carlo 2 bassa bresciana.qxd - Brixia Sacra

BRIXIA SACRA
scholae Corporis Domini tollatur, et schola transfertur ad altare Sancti
Antonii. Altare Beatae Mariae in navi meridionali, quod nimis est impedimento,
tollatur et libre vigintiquatuor existentes penes curatum expendantur
circa ornatum altaris maioris cum interventu scholarium Corporis
Christi. Altare Sancti Antonii in cappella fornicata in capite navis meridionalis
ornetur, et claudatur ad formam impensis scholae Corporis Christi
huc translatae.
Provideatur de confessionale ad formam. Labrum aquae sanctae decens
fiat. Pavimentum ecclesiae aptetur, et soffita fiat. Caemiterium muro sepiatur
infra sex menses, ita ut aditus bestiarum prohibeatur. [f. 157r] Sacristia
fiat a parte meridionali cum oratorio et lavatorio ad formam. Rector pro executione
suprascriptarum ordinationum praeter suprascriptas omnes impensas
scholae, fructuum vacantium pensionarii ac populi impendat, et ipse hoc
anno, et successive singulis annis scuta decem usque quo omnia adimpleta
erunt. Manuteneat item clericum idoneum, qui in habitu et tonsura incedat.
Habitet infra mensem in domibus parochialibus, et perseveret sub poena
scutorum quinquaginta. Quoniam rectori ipsi ob onus, quo praemitur
annuae pensionis, non satis relinquitur unde vitam suam sustentet, nedum
ecclesiam reparare supellectilique 1 instruere aliaque pro divino cultu parochialibusque
muneribus necessaria providere possit, iccirco aucthoritate
apostolica nominatim etiam dellegata decernitur ut dominus Horatius
Iuvenalis, cui ex fructibus eiusdem ecclesiae pensio ducatorum XXV de
camera attributa est, ea omnia et singula, quae de ecclesiae reparatione et
suppellectile ab eo conficienda, comparandave ut supra mandantur, ipse ex
pensionis fructibus praestet, atque exequatur, iamque ex hoc anno 1580
ceterisque deinceps insequentibus annis aureos decem in iis quae sibi
nominatim imposita sunt exequendis impendant quousque omnia executioni
mandata fuerint. Quam quidem peccuniae summam titularis aucthoritate
huius decreti apud se singulis annis retineat, eamque praesente et
consentiente vicario foraneo et sindicis, curatoribusve [f. 157v] ecclesiae
nomine communitatis deputatorum, si qui sunt, vel praefecto seu thesaurario
scholae Corporis Christi in supradictis rebus exequendis impendat,
sub poena dupli et aliis poenis etiam suspensionis, arbitrio ordinarii.
Scholares Corporis Domini regulam ad usum comunem provinciae
Mediolanensis edendam habeant et servent. Ne quicquam a scholaribus
exigant praeter oblationes sponte factas.
138