san carlo 2 bassa bresciana.qxd - Brixia Sacra

BRIXIA SACRA
subretitias ob non expressam animarum curam eidem annexam, deinde
exhibuit novam provisionem seu perinde valere informem tamen non
expeditis bullis. Ante dicto altari ascripta est societas Rosarii.
Ad altare Sancti Ioseph est cappellania cui, ut dicitur, annexum est onus
coadiuvandi in cura animarum, cuius annuus redditus est ducatorum 36,
qui ex mandato reverendissimi ordinarii exiguntur et administrantur ab
archipresbitero dictae ecclesiae. Praesbiter Ferdinandus Todeschinus mantuanus,
annorum 40, sacerdos est cappellanus mercenarius praedictae cappellaniae,
qui satisfacit oneri celebrationis, sed non tamen coadiuvat in cura
animarum, docuit legitime de eius ordinibus praeterquam de diaconatu.
Altare Sanctae Luciae de iurepatronatus, ut dicitur, familiae de Golaciis, in
quo est legatum ducatorum duorum in anno relictum a predicta familia et
impen-[f. 210r] duntur in altaris ornatum iuxta voluntatem testatoris.
Ad altare Sancti Antonii est cappellania coadiutoralis in cura animarum
et, ut dicitur, est de iurepatronatus archipraesbiterali pro tempore existentis;
habet annuum redditum ducatorum 40. Titularis cappellanus est coadiutor
residens in cura animarum est presbiter Ludovicus Cataneus aetatis
annorum 53, qui docuit legitime de eius ordinibus praeter de subdiaconatu,
ad quem dicitur promotus occasione beneficii quod tunc verum habebat,
exhibuit bullam collationis dictae cappellaniae coadiutoralis vacantis
per resignationem in manus summi pontificis et collatae per ordinarium
tamquam 1 per obitum vacantis. Bene audit.
Altare Sanctissimi Sacramenti cum schola quae ex legato sibi relicto a
quondam archipresbitero de Feriolis tenetur ad celebrare faciendum ter in
hebdomada in praedicto altari cum congrua mercede ut in testamento
rogato a quondam Sebastiano Iordano de anno 1505, ex quo omnis haereditas
praedictae scholae debetur; que licet eam haereditatem adhuc integre,
ut dicitur, non sit consecuta, attamen predicto oneri satisfit per presbiterum
Ioannem Albertinellum cappellanum mercenarium qui est aetatis
annorum 48 et est sacerdos, docuitque legitime de eius ordinibus, bene
audit et habitat in domibus conductis. Altaria reliqua indotata sunt.
[f. 210v] Adest legatum a quondam praesbitero Sebastiano Iordanino
omnium eius bonorum relictum pauperibus cum onere trium missarum in
hebdomada in hac ecclesia celebrandarum, cui oneri satisfit per presbiterum
Ferdinandum Todeschinum. Aliud legatum librarum centum planetorum
in anno relictum a quondam domino Antonio Bellino cum onere cele-
200