san carlo 2 bassa bresciana.qxd - Brixia Sacra

BRIXIA SACRA
quinque milliaria sine facultate scripta illustrissimi visitatoris sub eisdem
poenis, et aliis etiam maioribus arbitrio reverendissimi ordinarii.
Presbiter Gabriel de Guarinellis non celebret per tres menses in arce,
neque eam ingrediatur, et abstineat se a ludis, et praesertim alearum, sub
poena 25 ducatorum [f. 224r] applicandorum scholae Sanctissimi Sacramenti,
sed litteris ecclesiasticis, nec non Doctrinae christianae puerorum
incumbat. Reverendissimus episcopus ex praescripto concilii Tridentini
cognoscat de iurepatronatu a clarissima familia Lypomana, ut dicitur,
acquisita auctoritate Sedis Apostolicae in hac ecclesia collegiata et insigni a
quadraginta annis citra, qui si repererit non ob maxime evidentem utilitatem
ecclesiae, vel beneficii, seu dignitatis necessitatem legitime constitum
esse, revocet ad praescriptum eiusdem concilii.
Presbiter Iohannes Antonius Marcha canonicus, eiusque patruus, ad quorum
manus fructus et redditus omnes archipraebendae tempore vacationis,
ut dicitur, de anno 1573 librarum 475 collecti pervenerunt, reddant rationem
infra mensem praedictorum reddituum illosque integros restituant, ex quibus
soluta mercede, portioneve presbitero Magnanimo tunc vicario a reverendissimo
ordinario assignato, reliqui expendantur in reparatione ornatuve
capellae maioris et paramentis ad usum altaris maioris, et ad celebrationes
missarum necessariis ad praescriptum ordinationum. Cum ex privilegiis
ecclesiae, dignitisve gradu ius deferendi manteletum et rochetum huic archiprebitero
non sit, in posterum post tres menses abstineat omnino ab eorum
usu, ad praescriptum etiam conciliorum provincialium tam in ecclesia, quam
extra, nisi facultatem intra tres menses a Sede Apostolica impetrabit.
Congregationes de casibus conscientiae frequentius habeantur, et saltem
bis in hebdomada, quibus intersint omnes ecclesiasticae personae in
maioribus et minoribus ordinibus constitutae, quae in hoc oppido habitant,
idque praeter capitula [f. 224v] spiritualia a capitulo habenda semel in
hebdomada ex decreto provinciali, quae etiam omnino habeantur. Sacerdotes
seculares saltem tres ad cleri confessiones audiendas a reverendissimo
episcopo probentur, quorum alicui semel saltem in hebdomada omnes
confiteantur ad praescriptum etiam conciliorum provincialium. Omnes
tum canonici, tum alii sacerdotes, clericive in hoc oppido degentes incumbant
frequentissime semper sacris concionibus sermonibusque, quae
habentur quovis tempore, saecularium consuetudines fugiant; qui adhuc
sacerdotes non sunt sacram eucharistiam sumant frequenter. Si item
344