san carlo 2 bassa bresciana.qxd - Brixia Sacra

BRIXIA SACRA
Oratorium Sancti Marci in castro et sine soffita Pontis Vici, parvum, in
quo celebratur pro comoditate castellani singulis festis et ad eius libitum
per singulos cappellanos et coadiutores interpollatim cum dispendio gazetarum
[f. 201v] quatuor quae solvuntur ab illustrissimo dominio Sancti
Marci Venetiarum pro singula missa; altare solum habet in cappella fornicata,
destitutum paramentis, nullum habet redditum.
Oratorium seu ecclesia Sancti Vitalis in loco de Campacio nuper fabricata.
Altaria tria habet absque redditu. In ea celebratur quottidie pro comoditate
habitantium in hoc loco, qui annuum stipendium librarum centum
triginti praestant cappellano celebranti. Cappellanus mercenarius est praesbiter
Oliverius de Paronis brixiensis, aetatis annorum 60, legitime docuit
de ordinibus, non bene instructus in ceremoniis missae, habitat e regione
ecclesiae in domo a comunitate conducta; in dicto oratorio est ostium laterale
per quod ab aedibus domini Caroli de Ugonis patet aditus. Sacristia est
in inferiori parte campanilis. Schola Doctrinae christianae exercetur; animae
huius loci sunt circiter 200.
Ecclesia Sanctae Mariae Misericordiae fratrum ordinis Heremitarum
Sancti Augustini de observantia. In ea Sanctissimum conservatur Sacramentum
ac oleum infirmorum pro comoditate fratrum. Altaria undecim
habet in niciis fornicatis non autem septa. Monesterium est annexum in
quo degunt fratres numero 20.
Oratorium Sancti Rochi campestre, altare solum habet in cappella fornicata
sine redditibus. In eo celebratur singulis festis per cappellanum Corporis
Domini Pontis Vici; sacristia adest parva sub campanili.
Oratorium campestre nuncupatum la Chiesiola seu [f. 202r] porta Paradisi
ex devotione fabricatum, altare habet in cappella fornicata absque
tamen redditu. In eo aliquando celebratur ex devotione habita in foenilibus
et in aedibus vicinis.
Oratorium seu ecclesia 7 Sancti Bartholomei de Barco distans a parochiali
miliaribus tribus, altare solum habet in cappella fornicata, dicitur adesse
onus missae quottidianae ad quod tenentur domini Cesareus Faustus et
160