san carlo 2 bassa bresciana.qxd - Brixia Sacra

BASSA CENTRALE
[b.] [f. 176r] In ecclesia parochiali Sancti Petri loci Verolae Veteris
Binae pixides fiant, altera pro Sanctissimo Sacramento ad egrotos deferendo
1 , altera pro communione generali populi. Tabernaculum ostensorium ad
formam accomodetur. Tabernaculum ligneum intus undique panno serico
circumvestiatur. Baptisterium collocetur in angulo ecclesiae sub fornice construenda
supra columnam ad formam fornicis altarium lateralium, cancellis
sepiatur; et sacrarium ibi prope ad formam instructionum generalium. Cotyla
pro vasculis oleorum sacrorum ad formam fiat. Altare maius clathris ferreis
sepiatur sub gradu cappellae. Gradus altaris nimis eminentes aliquantulum
deprimentur [f. 176v] ita ut comodiores et tres sint. Ostiolum laterale in
cappella maiori muro obturetur. Altare Corporis Domini clathra ferrea
sepiatur, et gradus adiungatur propius pavimento. Altare Rosarii cancellis
sepiatur, et ad formam reducatur, bradellaque aliquantum altius elevetur. Ei
provideatur de lapide sacrato ad formam. Ad altare Sanctae Crucis provideatur
de candelabris item de lapide sacrato ad formam. Bradellae omnes particulares
ab ecclesia tollantur. Confessionalia duo ad formam fiant, et in loco
conspicuo collocentur. Caemiterium sepiatur. Altare oratorii Sancti Quirici
in caemiterio tollatur. Lavatorium et oratorium in sacristia fiant ad formam.
Rector singulis festis celebret in parochiali ecclesia et per hebdomodam
ad praescriptum concilii provincialis. Gerat habitum congruum in ecclesia
et extra domum non autem vestem domesticam. Clericum habeat qui ei
ecclesiae inserviat, et in habitu et tonsura semper incedat. Rector pro tempore
per se ipse munera parochialia praestet, sed tamen quoniam populus
est valde numerosus teneat sua impensa coadiutorem idoneum probatum
ab ordinario. Tarquinius de Datis rector ob non dimissam ancillam, etiam
post praeceptum eidem factum in visitatione, [f. 177r] solvat infra sex dies
thesaurario scholae Corporis Domini dicti loci Verolae aureos decem, nec
eam amplius in domo retineat sub poena quinquaginta scutorum eidem
scholae applicandorum.
In ecclesia campestri Sancti Petri
Altare maius muro connectatur, et cancellis saltem ligneis sepiatur. Altaria
lateralia ad formam reducantur et sepiantur, vel in eis non celebretur. Altare
Sancti Bartholomei prope portam maiorem tollantur. Contignatio ecclesiae
adhibeatur. Vites muro adhaerentes succidantur.
189