san carlo 2 bassa bresciana.qxd - Brixia Sacra

BASSA ORIENTALE
Confraternitas Disciplinatorum
Antiquitus erecta, quae non habet regulas approbatas. Regitur per ministrum,
subministrum, massarium et duos sindicos qui singulis annis
mutantur. Habet redditum ducatorum octo cum onere celebrandi quasdam
missas et officia pro mortuis, cui oneri satisfit. Administrationum rationes
singulis annis coram curato redduntur. Fuit visitata a reverendissimo ordinario
de anno 1566.
1
Aggiunto.
[b.] [f. 248r] In ecclesia Sanctae Mariae parochiali loci Marianae
Tabernaculum ligneum operiatur conopeis decentibus pro temporum
varietate, impensis [f. 248v] confraternitatis Sanctissimi Sacramenti. Crux
auricalchi decens, et duo candelabra eiusdem metalli emantur. Capella
maior sepiatur clathris ferreis impensis populi. Baptisterium locetur in prima
capella, in ingressu ecclesiae, et clathris ferreis sepiatur, orneturque ad
formam instructionum impensis populi. Vascula oleorum sanctorum ad
formam conflata emantur. Ad altare maius transferimus societatem Corporis
Christi, in quo confratres satisfaciant oneribus suis, et in illo exornando
redditus impendant, missamque in eo prima dominica cuiusque
mensis decantare faciant. Lampadarium, quod angulo aptatum est, appendatur
e regimine altaris maioris, alia item lampas societatis ad dictum altare
maius eluceat. Altare Sancti Rochi, quod est confraternitatis Sanctissimi
Sacramenti, poenitus tollatur.
Altare maius reportetur in frontem capellae, ita ut per cubitum cum
dimidio haereat muro, et ad formam instructionum construatur. Altare
Sanctorum Faustini et Iovitae redigatur ad formam, et propius muro adhaereat
amotis gradibus a parte posteriori, clathrisque ferreis, vel saltem cencellis
ligneis sepiatur. Altare Sancti Antonii poenitus tollatur, et in ea capella
locetur baptisterium, ac clathris ferreis vel saltem cancellis ligneis sepiatur
impensis populi, ut supra. Idem vero altare Sancti Antonii construatur in
capella ubi nunc est baptisterium impensis patronorum, qui etiam illud
387