san carlo 2 bassa bresciana.qxd - Brixia Sacra

BASSA CENTRALE
Fructus vero huius anni sequestrentur, ac debita concedantur relaxa ad
effectum, ut ii in constructionem cappellae convertantur vel expendantur
iuxta ordinationem a reverendissimo ordinario fiendam. Provideat reverendissimus
ordinarius a patronis huius cappellae Sancti Martini fieri
nominationem, electionem 3 ac praesentationem unius idonei cappellani ad
effectum ut ei provideatur de dicta cappella iam vacante per privationem
praedicti domini Iulii Luzaghi ut supra.
Altaria Sancti Michaelis et Omnium sanctorum tollantur, et onera transferantur
ad altare Sancti Georgii, et hoc donec nitia fiat ad formam cappellae
Sanctissimae Trinitatis, in qua dicti tituli transferentur. Altaria Sanctae
Catherinae et Sancti Vincentii tollantur, et oneribus coadiutores suppleant
ad altare maius, et hoc donec per coadiutores ipsos nitia fiat comunibus
expensis, etiam [f. 131r] pensionariorum ad formam Trinitatis ut supra, in
qua tituli praedicti transferentur; quae termino annorum duorum iis coadiutoribus
per nos statuto omnino exstrui debebit, ac paramentis varii coloris
iuxta ritum ecclesiae etiam ad usum celebrationis missarum ornetur, et clathra
ferrea sepiatur impensis eorumdem etiam pensionariorum. Et quoniam
coadiutoribus ipsis propter onera, quibus quilibet eorum praemitur, annuae
pensionis non satis relinquitur unde vitam suam sustentent, nedum altaria
sua reparare, suppellectileque instruere aliaque pro divino cultu necessaria
providere possint, iccirco aucthoritate apostolica nominatim etiam delegata 4
decernitur ut don Andreas de Antoninis, cui ex fructibus altaris Sanctae
Catherinae pensio ducatorum viginti 5 attributa est, nec non reverendus
Antonius de Alenis, cui ex fructibus altaris Sancti Vincentii pensio 6 scutorum
65 pariter attributa est, ea omnia et singula quae de dictis altaribus reparandis,
ornandis, ac de eorum nitia fienda suppellectileque ab eis conficenda,
comparandave mandatur, ipsi ex pensionum fructibus praestent, atque exequantur
7 , iamque hoc anno 1580 ceterisque deinceps insequentibus annis
aureos decem pro singulo in iis, quae sibi nominatim imposita sunt, exequendis
impendant quousque omnia executioni demandata fuerint, quam
quidem peccuniae summam coadiutores aucthoritate huius decreti apud se
singulis annis retineant, eamque presente, et consentiente archipresbitero,
aut sindicis, curatoribusve ecclesiae nomine in supradictis rebus impendant
sub poena dupli et aliis poenis etiam suspensionis arbitrio ordinarii.
Altare Sancti Georgii ad formam reducatur, et cancellis sepiatur. Altare
Rosarii omnino tollatur infra tres dies, et schola cum titulo altaris ad altare
59