san carlo 2 bassa bresciana.qxd - Brixia Sacra

BRIXIA SACRA
ca cuiuslibet mensis ex fundatione regulae ipsius scholae, quo die etiam
tenentur confiteri peccata et sanctissimam Eucharistiam sumere. Schola
haec ab anno cum dimidio citra incepta fuit, in ea descripti sunt maschuli
numero 45 et foeminae numero 300, habent regulam Nominis Dei. Regitur
a rectore, vicerectore, sindico 9 et massario qui singulibus annis mutantur.
Nullum habet redditum, praeter eleemosinas quae in structuram oratorii
praedicti convertuntur ut ex eorum libris exhibitis constat.
Oratorium Sancti Rochi amplum et decens, altaria tria habet. In eo celebratur
singulis festis ex voto comunitatis; cappellanus mercenarius est
praesbiter Patricius de Lode, cappellanus item Sancti Ioannis Baptistae in
ecclesia archipresbiterali cum mercede annua librarum quinquaginta. Redditus
nullos habet praeter eleemosinas, quarum curam habet massarius
deputatus a comunitate et expenduntur in ornatum et reparationem oratorii
ut ex libris exhibitis visum fuit.
Oratorium Sancti Petri campestre, parvum, sine redditibus. In eo celebratur
die eius festi. Vertitur in usus profanos. Annexa est domus parva
cum pauco viridario, in qua habitat laicus, heremita nuncupatus, sine
tamen facultate ordinarii.
Oratorium Sancti Faustini, clericatum nuncupatum, apertum, indecens,
altare habet. Redditus annui sunt librarum sexaginta. Clericus titularis est
reverendus dominus Tranquillus Soldus canonicus brixiensis qui nullum
sustinet clericum.
[f. 178v] Oratorium Sanctae Mariae Annunciatae campestre monialium
Sanctae Mariae Pacis Brixiae, amplum, indecens, vertitur in usus profanos.
Altaria tria habet indecentia, in eo non celebratur nisi aliquando ex devotione
fictabilis bonorum dictarum monialium.
Oratorium Sancti Silvestri apertum, diruptum et indecens in quo quoque
se recipiunt exules et latrones ut dictum fuit. Nullum redditum habet.
In eo non celebratur.
Ecclesia Sancti Francisci fratrum Capucinorum altare habet. Sanctissimum
Sacramentum conservatur pro comunione fratrum. Sachristia est
56