san carlo 2 bassa bresciana.qxd - Brixia Sacra

BASSA ORIENTALE
subsidium, si opus erit. Reddant rationem singulis annis administrationis
reverendissimo ordinario, aut vicario foraneo seu alii ab eo deputato.
In ecclesia Disciplinatorum Calcinati, quae nulli sancto est dicata
Altare ex lapidibus, vel saltem lateribus conficiatur. Procurent sibi regulas
ad usum totius provinciae Mediolanensis editas, illasque observent. Ne
quaestus agant sine licentia, nec ad commessationes conveniant. Utantur
disciplinis communibus.
In ecclesia parochiali Sancti Vincentii
Tectum ecclesiae Sancti Vincentii aptetur. Altare ad formam reducatur,
orneturve cruce nova, candelabris ac aliis necessariis ornamentis. In eadem
ecclesia aptetur vas aquae benedictae.
In ecclesia rurali Sancti Petri in territorio
Ostia ecclesiae Sancti Petri claudantur, et claves apud praepositum remaneant.
Non celebretur in ipsa, nisi altare prius redactum fuerit ad formam
instructionum, et undique dealbatum sit.
In ecclesia Sanctae Mariae Nativitatis fratrum Minorum Sancti Francisci,
in territorio Calcinati
Provideatur de lapide sacrato ad formam. Insignia Corporis Christi a lateribus
altaris minus super custodiis reliquiarum, etiam depicta, deleantur
statim. Altare Sancti Michaelis tollatur, et onus quod est in eo transferatur
ad altare maius. [f. 190r] Altare Sancti Bernardi deleatur poenitus. Capellae
quae sunt a parte septentrionali muro interiecto distinguantur, et cancellis
saltem ligneis sepiantur, impensis eorum qui praetendunt ad dicta
altaria habere aliquod ius. Altare Sancti Antonii redigatur ad formam. In
sacristia suppellex infrascripta paretur, videlicet corporalia duo, purificatoria
quindecim et missalia duo ad formam, et post mensem non celebretur
cum missali corroso sub poena suspensionis. In eadem sacristia aptentur
lavatorium et oratorium ad praescriptum instructionum. Altare situm
extra ecclesiam tollatur statim.
1
relictis originale.
229