san carlo 2 bassa bresciana.qxd - Brixia Sacra

BASSA ORIENTALE
Solferino, San Nicolò
[a. Acta visitationis, f. 219r;
Brescia, XXVIII, ff. 11r-12v; XL, ff. 118r-119r, 204r-205r]
[b. Decreta particularia, ff. 190r-191r;
Brescia, XXVII, ff. 195v-196v; XXIX, ff. 12r-13r]
[a. CHIESA PARROCCHIALE DI SAN NICOLÒ DI SOLFERINO]
[f. 219r] Die 12 martii suprascripti anni
Visitavit ecclesiam parochialem Sancti Nicolai loci Sulphorini et deinde
intra eius fines infrascripta oratoria et scholas. Non est consecrata, nuper
extructa, populi capax et ornata. In ea Sanctissimum Sacramentum assidue
asservatur cum lampade accensa impensis rectoris. Baptisterium congruum,
sed non septum. Altaria tria habet, videlicet altare maius, altare Beatae
Mariae Virginis cum schola Disciplinatorum qui dicto altari de suppellectili
necessaria 1 subministrant, altare Sanctissimi Sacramenti cum scola, in eo
celebratur prima dominica et die lune sequenti cuiuslibet mensis ex instituto
dictae scholae. Coemiterium non habet, sed cadavera humantur in oratorio
veteri Sancti Petri eiusdem loci. Sacristia nec domus parochialis adsunt.
Redditus annui dictae parochialis sunt circiter scutorum 30. Rector titularis
est praesbiter Baptista de Orlandinis, loci Lonati qui ab anno citra est
absens et mercenarie cappellaniam obtinet in diocesi veronensi sub praetextu
quod hanc curatam ecclesiam resignaverit in manibus sanctissimi Domini
Nostri; vicarius seu economus est praesbiter Thomas de Vellanis carpensis
qui vigore concilii Tridentini ab ordinario approbatus et electus fuit ad
hanc curam cum assignatione omnium fructuum, est aetatis annorum 50,
sacerdos, qui legitime docuit de ordinibus, habitat in domibus conductis et
curam animarum praedictam exercet. Animae sunt circiter 900 et ex eis
sumunt sacram eucharistiam 600. Doctrina christiana fere nulla exercetur.
Schola Sanctissimi Sacramenti habet regulas non comprobatas, de eius
erectione non constat, regitur a priore et cancellario qui singulis annis
mutantur vel confirmantur. Habet redditus annuos ducatorum duorum 2 et
eleemosynas quas ex questu colligunt, quae impenduntur in cereos et ornatum
altaris, eleemosynas vero quae obveniunt, con- [f. 219v] fratres ipsi
231