san carlo 2 bassa bresciana.qxd - Brixia Sacra

BASSA ORIENTALE
Altare Sancti Ioseph cum schola sub eodem titulo, in quo aliquando
celebratur ex devotione praedictae confraternitatis. Altare Sancti Andreae
de iurepatronatus familiae de Muzanis, ut dicitur, cum dotatione plodiorum
viginti terrae et onere trium missarum in hebdomada, cui oneri satisfit.
Cappellanus amovibilis est Ioannes Maria de Bernardis loci Asulae annorum
27, sacerdos, qui docuit tantum de subdiaconatu et diaconatu. Est in
munere celebrationis tolerabilis, delatus de ludo alearum ut in processu.
Habitat in domibus laicalibus conductis. Altare Sancti Michaelis cum cappellania
de iurepatronatus, ut dicitur, archipresbiteri huius ecclesiae pro
tempore existentis, qui etiam praestitit consensu ut ad praedictum altare
transferatur altare Sancti Ioseph. Cappellania habet [f. 249v] dotationem
scutorum 20 in anno, divisam a praebenda archipresbiterali, cuius onus est
celebrandi quotidie et coadiuvandi in cura animarum, cui satisfit. Cappellanus
titularis et coadiutor est reverendus Andreas Facconus loci Canneti,
annorum 41, sacerdos, qui docuit de eius ordinibus et titulo beneficii. Scientia
in munere quo fungitur tolerabilis est. Habitat in domibus propriis.
Altare Sancti Ioannis Baptistae de iurepatronatus, ut dicitur, reverendi
domini Ludovici de Arrivabenis ratione dotationis bonorum redditus scutorum
12 in anno, cum onere celebrandi quotidie excepto uno die per hebdomadam.
Cappellanus amovibilis est reverendus Franciscus de Sedazzariis loci
Canneti, annorum 25, sacerdos, qui docuit legitime de eius ordinibus. Scientia
est tolerabilis in munere quo fungitur. Habitat in domibus propriis. Praedictum
altari 5 adiacent 6 quaedam deposita mortuorum. Altare Sancti Hieronymi
nunc sublatum, in quo est cappellania de iurepatronatus reverendi
archipresbiteri pro tempore existentis, ut dicitur. Redditus annui sunt 35
scutorum cum onere celebrandi quotidie et coadiuvandi in cura animarum,
cui oneri satisfit. Vacat a quadrennio citra et devolutum est ad Sedem apostolicam.
Cappellanus coadiutor amovibilis est Hieronymus de Arrivabenis
loci Canneti, annorum 28, sacerdos, qui docuit legitime de eius ordinibus et
facultate coadiuvandi. In munere 7 quo fungitur est idoneus, bonae famae et
ressidet habitatque in domibus propriis. Altaria reliqua indotata sunt.
In dicta ecclesia est legatum Hippoliti Morarii obligantis haeredes ad
celebrari faciendum 80 officia mortuorum, cui non satisfit. Haeres est
Alexander Morarius predicti testatoris. Coemiterium est saeptum parietibus.
Sacristia adest. Domus archipraesbiterales angustae ecclesiae contiguae.
Fabrica nihil habet, sed ad eam contribuunt archipraesbiteri et com-
393