san carlo 2 bassa bresciana.qxd - Brixia Sacra

VISITA AI MONASTERI
Canneto, Monastero di Sant’Elena
[a. Acta visitationis, ff. 742r-743r;
Brescia, XIII, q. 4i (1-3); XL, 180r]
[b. Decreta particularia, ff. 185r-186v, 236r-237v;
Brescia, X, ff. 155r-156r; XIII, q. 9 (46-48), 10 (49); XIX, q. 4c (11-13)]
[a.] [f. 742r] MONASTERIUM SANCTAE ELENAE
Visitavit ecclesiam, monasterium ac sacristiam monialium Sanctae Helenae
loci Canneti brixiensis diocesis sub regula Sancti Augustini militantium,
quae regimini ac curae reverendissimi ordinarii subsunt. Primo autem loco
exteriorem ecclesiam visitavit, deinde a tribus sacerdotibus aetate provectioribus
in monasterium deductus, a monialibus congruo processionis
ordine in capitulum exceptus fuit. Ubi habuit de more sermonem. Primo
[f. 742v] loco ecclesiam interiorem, tum clausuram totam, deinceps monasterium
et cellas omnes diligenter exquisivit. In eo moniales sum numero
27 videlicet. Ab officio professae numero 14. Novitiae numero 3. Conversae
professae numero 10. Ecclesia exterior habet palcum supra portam, ex
qua moniales sacram missam audiunt, parum decens, et organum iuxta
illud. Non habent ecclesiam interiorem.
Sanctissimun Sacramentum asservatur in muro et fenestella. Post altare
maius adest locus in quo ecclesiam inferiorem fabricare intendunt. Adest
fenestella cum crate ferrea, magna, quae etiam pro loco collocutionis utuntur.
Clausura non est satis tuta, nam muri in aliquibus locis sunt demissiores.
Redditus et onera, ut in schedula signatus A, aureorum ducentum, ex
quaestu vero aureorum 84. Haec ex scrutinio monialium reperta fuerunt.
Aere possunt moniales XII praeter quaestum, addito vero quaestu XVIII.
Mater sive priorissa ab hinc annis quindecim citra nunquam mutata fuit.
Vicaria ab hinc annis octo.
Habent facultatem mittendi conversas extra clausuram, sed illas emittunt
etiam ad alia negotia. Clausura non servata fuit, nisi a tribus annis praeteritis
citra, nam et puellae, quae causa educationis in eo commorabumur
aliquando et praecipue tempore vindemiarun egrediebantur, et ingrediebantur
ad libitum, et quottidie puellae adibant monasterium causa ediscendi
417