san carlo 2 bassa bresciana.qxd - Brixia Sacra

BASSA ORIENTALE
dicta ecclesia donec sublata sint. Purificatoria 30 ad formam comparentur,
et duo calices inaurentur et consecrentur.
[f. 232r] In ecclesia Sancti Petri in Coelo Aureo
Ecclesia Sancti Petri reparetur, pavimentum lateribus construatur, recta
adhibeatur suffita et parietes dealbentur. Altare redigatur ad formam, et
muro nitiae adhaereat, interea vero non celebretur. Haec omnia fiant
impensis titularis.
In ecclesia Sanctae Mariae de Cruce fratrum Sancti Augustini
de observantia.
In hac ecclesia teneatur Sanctissimum Sacramentum. Pavimentum capellae
maioris altius tollatur, ut saltem per gradum unum ad illam ascendatur, ipsa
item capella sepiatur clathra ferrea. Altaria omnia ad formam redigantur, et
clathris, vel saltem cancellis ligneis sepiatur infra sex menses. Haeredes
quondam Iohannis Baptistae de Mantuanis construant capellam iuxta voluntatem
testatoris, quae longitudine respondeat aliis capellis, amoto poenitus
deposito seu arca, quae est in fronte capellae; hycona vero pingenda prius
probetur a reverendissimo episcopo ad praescriptum concilii provincialis.
Non celebretur ad altare Sancti Nicolai, quod poenitus tollatur, et
sepultura, quae nunc est sub altari, amoveatur et aliud altare ibidem extruatur
ad formam impensis dominorum. Non ministretur amplius sacramentum
extremae unctionis sine licentia archipraesbiteri de Asula. In sacristia
fiant oratorium, lavatorium et armarium ad formam. Provideatur de purificatoriis
30 ad formam, et quinque bursis corporalium varii coloris pro
ratione temporum.
[f. 232v] In ecclesia Sancti Silvestri
Nicia, seu capella maior decentior construatur cum fenestris a lateribus
altaris in dicta nicia construenda ad formam instructionum, impensis titularis.
Altare ornetur suis paramentis necessariis, cruce, candelabris duobus
et aliis rebus impensis titularis. Ecclesia reparetur, orneturque iudicio reverendissimi
episcopi. Clericus Sancti Silvestri, nisi infra duos menses impetrarit
ac exhibuerit opportunam liberationem a sancta Sede Apostolica,
restituat fructus perceptos a die collationis, quia non recitavit officium,
qua de re constat in actis visitationis, eoque fiant sequestra et relaxa oppor-
353