san carlo 2 bassa bresciana.qxd - Brixia Sacra

BASSA ORIENTALE
Fontanella [Grazioli], San Bartolomeo
[a. Acta visitationis, ff. 251v-252r;
Brescia, XXVIII, ff. 76v-77r; XL, ff. 242r-243v]
[b. Decreta particularia, ff. 239r-240r;
Brescia, XXVII, ff. 170r-171r; XXIX, ff. 65v-68r]
[a. CHIESA PARROCCHIALE DI SAN BARTOLOMEO DI FONTANELLA]
[f. 251v] Die 14 aprilis praedicti mensis et anni
Visitavit parochialem ecclesiam Sancti Bartholomei loci Fontanellae et deinde
intra eius fines infrascriptas ecclesias, oratoria et scholas. Est consecrata,
angusta et vetus. In ea Sanctissimum Sacramentum asservantur tantum
occassione infirmorum adveniente. Sacrae quaedam reliquiae adsunt asservatae
in fenestella cappellae. Baptisterium adest. Habet altaria duo, videlicet
altare maius, altare Sanctissimi Sacramenti cum schola sub eodem titulo, in
quo [f. 252r] ex ipsius scholae instituto missa celebratur in prima dominica
cuiuslibet mensis. Coemiterium apertum est. Sacristia adest, sed angusta.
Domus parochiales nullae sunt. Redditus parochiales annui sunt scutorum
70. Parochus titularis est presbiter Bartholomeus de Giardinis loci Volungi,
annorum 45, qui docuit legitime de ordinibus et titulo beneficii. Promotum
fuit ad sacrum presbiteratus ordinem in 22 suae aetatis anno et in ordinibus
celebravit, obtinuit postea dispensationem, absolutionem et habilitatem
quam exhibuit. Est scientia idoneus et habitat in domibus propriis sine clerico.
Animae sunt 300, quae ex his sumunt sacram communionem sunt 165.
Schola doctrinae christianae exercetur, sed frigide.
Confraternitas Sanctissimi Sacramenti antiquitus cepta est sine regulis
approbatis. Regitur a massario qui non mutatur ad praescriptum. Habet in
capitale librarum 144 soldorum 16 denariorum 56 et alium redditum unius
auri in anno, qui 1 redditus expenduntur circa altare et in missam, quae singulo
mense in prima dominica decantatur ex ipsius scholae instituto. Calcula
singulis annis fiunt cum interventu curati. Fuit visitata per reverendissimum
ordinarium et eius visitatores.
405