san carlo 2 bassa bresciana.qxd - Brixia Sacra

BASSA ORIENTALE
controversia inter reverendum episcopum brixiensem et reverendum
archipresbiterum vigere de iurisdictione criminali contra personas beneficiatas
in praedicta ecclesia. Habet item vis conferendi praedictos octo
canonicatus et praebendas, ut latius continetur in rescripto privilegiorum
in actis visitationis exhibito, et est in quasi possessione conferendi, et confert
etiam, in mensibus reservatis Sedi Apostolicae.
Est de iurepatronatus, ut dicitur, clarissimae familiae de Lypomanis Venetorum
ex augmento dotis facto eidem ecclesiae, quae familia, ut dicitur, est in
quasi possessione praesentandi archipresbiterum episcopo brixiensi ad quem
spectat ipsa institutio. Quod iuspatronatus acquisitum est a quadraginta
annis citra auctoritate Sedis apostolicae et, ut creditur, non in evidentem
ecclesiae dignitatisve necessitatem constitutum est ad praescriptum concilii
Tridentini. Nomina singulorum praebendatorum archipresbiteri scilicet et
canonicorum ac eorum redditus praebendales sunt videlicet. Archipresbiter
est Andreas Testagrossa civis venetus annorum 36, probatis moribus et vita,
curam animarum per se ipsum exercet, et ex institutione habet onus, quod
vigebat etiam antequam haec ecclesia in collegiatam erigeretur, conducendi
cappellanum coadiutorem in cura animarum quem nunc habet; penes dictum
archipresbiterum comperti sunt nonnulli libri indice vero prohibiti, qui auctoritate
Sacri Officii sibi traditos asserit. Redditus annui praebendae archipraesbiteralis
sunt ducatorum 500, ut dicitur, monetae brixiensis, super quibus
est 5 reservata annua pensio *** domino *** Lippomano 6 .
Praesbiter Franciscus Falchinus 7 canonicus, cuius canonicatus ex primaeva
institutione canonicatus iminet cura animarum, annorum 55, est
sacerdos, curam animarum exercet, non tamen habitat in aedibus canonicalibus,
scientia in munere curae animarum tolerabilis, non habitat in suis
aedibus canonicalibus. Eius redditus praebendales in singulis annis sunt
librarum circiter ***. Praesbiter Ioannes Antonius Marca, canonicus annorum
32, obtinuit canonicatum et praebendam non facta mentione curae
eidem [f. 237r] praebendae a primaeva institutione annexae, nec illam exercet,
residet in aedibus canonicalibus. Redditus annui eius praebendae sunt
librarum 500. Presbiter Angelus de Franzonibus, canonicus cum onere
coadiuvandi in cura animarum, quam tamen non exercuit, est scientia debilis
et iam annorum LXXII agit.
Presbiter Pompeius Garbottinus canonicus, lentus noncupatus, est
annorum 54 et scientia ita debilis quod vix ferendus est, erat religiosus con-
321