san carlo 2 bassa bresciana.qxd - Brixia Sacra

BASSA ORIENTALE
missarum ad altare maius. Altare Pietatis tollatur statim; nec deinceps ad
illud celebretur, poena suspensionis ipso facto incurrenda.
Ostium laterale ecclesiae, qua fit transitus per coemiterium meridionale,
muro claudatur et a fronte ecclesiae duo alia ostia aperiantur, quorum
alterum ad mulierum ingressum sit, alterum vero virorum, ob laudabilem
ipsorum distinctionem, quae usu recepta est. Confessionalia quattuor fiant
ad formam instructionum infra tres menses. Archipresbiteri et coadiutorum
curae sit aliquam inire rationem, ut ecclesiae tectum pro illius et loci
dignitate aliquo decenti opere exstruatur; idque potissimum agant apud
illustrissimum marchionem Gonzagam et populum.
[f. 181r] In oblationibus, quae fiunt diebus solemnibus, non exponatur
patena osculanda, sed instrumentum pacis adhibeatur.
Sacristia habeat armarium vel vestiarium ad paramenta servanda ad formam
instructionum. Oratorium fiat in loco, qui est e regione sacristiae septentrionem
versus ad formam. Sacculi seu bursae corporalium quinque diversi
coloris, pro ratione temporum, comparentur ad formam dictarum instructionum.
Purificatoria item 30 ad dictarum praescriptum, infra mensem.
Ostium coemiterii, quod vergit ad meridiem, claudatur sera et clave; nec per
illud transitus sit ad oratorium Disciplinatorum, sed ad eorum usum aliud
ostium construatur inter ipsum coemiterium et ecclesiam Sanctae Mariae.
Archipresbiter teneat clericum ex fructibus archiprebendae, qui idoneus sit et
semper incedat in habitu et tonsura. Alius clericum idoneus sit, qui sumptibus
coadiutorum et societatis Corporis Christi teneatur perpetuo.
In ecclesia Sanctae Mariae Disciplinatorum
Altaria duo, quae sunt a latere cappellae ex asseribus constructa, statim tollantur.
Claves dictae ecclesiae serventur penes archipresbiterum. Ad altare,
quod est in oratorio disciplinatorum, non celebretur, poena suspensionis
ipso facto incurrenda. Scholares statis diebus in ecclesia archipresbiterali
sanctissimum eucharistiae sacramentum sumant. Electio officialium fiat
praesente archipresbitero, et per ordinarium confirmentur. Eodem archipresbitero
praesente singulo anno rationem administrationis reddant.
[f. 181v] Pro schola Corporis Christi
Electio officialium fiat praesente archipresbitero, et confirmetur ab ordinario.
Servent regulas ad usum totius provinciae Mediolanensis editas. In pro-
205