san carlo 2 bassa bresciana.qxd - Brixia Sacra

BRIXIA SACRA
ea instituendi vitae sustentationem, qui sanctissima ministret sacramenta
animabus a matrice longe distantibus, et huic oratorio proximioribus, eique
de necessariis tam circa ornatum quam circa administrationem sacrament[or]um
provideant infra annum. Quo facto procurent illud in parochialem
erigi a reverendissimo ordinario, et ei provideri de idoneo sacerdote
qui sanctissima sacramenta in eo et alia munia parochialia praestet ad commodum
animarum habitantium in locis circumvicinis, interim sanctissima
sacramenta in hoc amplius non conserventur, et cappellano in ea non celebret,
nisi prius a reverendissimo ordinario in scriptis facultate obtenta.
[f. 156r] Altare maius cancellis sepiatur ad formam super gradu cappellae.
Provideatur de lapide sacrato ad formam. Altare laterale tollatur infra triduum.
Lampas in medio arcus appensa sit. Provideatur de corporalibus quatuor,
et purificatoribus XII ad formam. Calix et patena profanati inaurentur,
et reconcinentur. Sacristia cum lavatorio et oratorio ad formam fabricetur.
In oratorio Sancti Salvatoris
Oratorium destruatur et materia in fabricam sacristiae ecclesiae Sanctae
Apolloniae, ac in aliis opportunis in ea convertatur.
In oratorio campestre Sancti Gotardi
Pavimentum cappellae amplietur, ut altare cancellis repa[rari] possit et bradella
ad formam fiat. Labrum aquae sanctae decens fiat. Altare laterale infra
triduum tollatur. Oratorium ab araneis et hirundinum nidis purgatum
teneatur. Fenestra lateralis altari altius tollatur medietatem obturando.
Fenestra prope portam maiorem infra octo dies muro obturetur. Fenestrae
tela muniantur. Provideatur de lapide sacrato ad formam.
1
Segue corporalibus cancellato.
2
Corretto da dilligenter.
134