san carlo 2 bassa bresciana.qxd - Brixia Sacra

BASSA CENTRALE
In oratorio Sancti Zenonis
Altare ad formam reducatur, et ei cancelli apponantur. [f. 147r] Fenestrae
laterales altari obturentur, et oratorium clausum teneatur.
In ecclesia Sancti Rochi
Altare maius, ac eius bradella ad formam reducantur et clathra ferrea apponantur
in superiori gradu cappellae. Ecclesia ornetur, et parietes dealbentur
infra sex menses. Altaria lateralia infra octo dies tollantur. Provideatur de
corporalibus quatuor, et duodecim purificatoribus ad formam infra mensem.
Calix profanatus inauretur infra mensem. Provideatur de paramentis necessariis
ad usum altaris et celebrationis missae. Transacto spacio sex mensium
in eo altari ne celebretur, donec praestita sint haec omnia suprascripta.
Sacristia cum primum poterit, fiat a parte acquilonari. Annis singulis
duo sindici per communitatem praesente vicario foraneo deligantur, qui
omnem curam et administrationem bonorum fabricae huius oratorii
habeant, omnesque redditus et impensas in libro redigant, rationemque
officio functi praesente ipso vicario reddant. Quod si communitas ius aliquod
in ipsa administratione et bonis praetendit infra mensem doceat, quo
elapso nec constito de aliquo eorum iure, rationem omnium hactenus
administratorum praesente ipso [f. 147v] vicario foraneo reddant, et
amplius in eis bonis se non ingerant, quod si renitentes vel negligentes fuerint,
ad id summarie, aucthoritate huius decreti, per reverendissimum ordinarium
compellantur.
In oratorio Sancti Iohannis
Oratorium Sancti Iohannis ornetur adhibita soffita, et pavimento cancelloque
apponantur altari. Parietes incrustentur, et dealbentur, interim in eo
non celebretur.
Infrascripti omnes et singuli qui in Pascate proxime praeterita confessi
non sunt, nec sanctissimum eucharistiae sacramentum sumpserunt, nisi
termino XV dierum id perficerint, contra eos ad interdictum procedatur
iuxta sacros canones et concilia provincialia, qui sunt videlicet dominus
Sfortia Advocatus, Fabius de Vicinis, Christoforus filius Petriantonii de
Bertonis, Angelus filius Dominici Giroldi, Petrus Iacobus cremonensis
molandinarius et Iacobus Antonius eius frater nec non Camilla Rosetta.
109