san carlo 2 bassa bresciana.qxd - Brixia Sacra

BASSA ORIENTALE
Casaloldo, Santa Maria
[a. Acta visitationis, ff. 232r-233r;
Brescia, XXVIII, ff. 36v-38r; XL, f. 210v-211v, 224r-225v]
[b. Decreta particularia, ff. 211r-212r;
Brescia, XXVII, ff. 204r-205r; XXIX, ff. 35r-36v]
[a. CHIESA PARROCCHIALE DI SANTA MARIA DI CASALOLDO]
[f. 232r] Die 24 praesentis mensis et anni
Visitavit ecclesiam parochialem Sanctae Mariae loci Casalis Alti et deinceps
intra eius fines infrascriptam ecclesiam, oratorium et scholas. In ea cura
animarum, quae alias [f. 232v] exercebatur in ecclesia Sancti Emiliani, translata
est ob populi comodum. Sanctissimum Sacramentum assidue asservatur
cum lampade accensa impensis curati, quod repertum fuit in vase
vitreo. Baptisterium adest, sed incongruum. Altaria quatuor, videlicet altare
maius; altare Sanctissimi Sacramenti cum schola sub eodem titulo, quae
celebrare facit missam conventualem in prima dominica cuiuslibet mensis
et die sequenti officium pro mortuis et hoc ex ipsius scholae instituto; altare
Sanctae Catharinae et Sancti Gordiani cum schola Sanctae Catharinae, in
eo ex huius scholae instituto celebratur missa secunda dominica cuiuslibet
mensis et die sequenti officium pro mortuis ex collectis; altare aliud indotatum.
Coemiterium saeptum parietibus. Sacristia adest sed suppellectili
fere destituta. Domus parochialis ecclesiae contigua est intermedia via.
Fabrica ecclesiae nullos certos redditus habet praeter collectas. Redditus
parochiales sunt scutorum circiter 125, ex quibus titularis tenetur habere
cappellanum qui quotidie celebret, in praesenti tamen illum 1 non habet.
Rector titularis est praesbiter Dominicus Barchinus loci Castriguffredi
annorum 41, sacerdos, qui docuit de ordinibus praeterquam de minoribus.
Habet etiam clericatum cappellae Sanctae Mariae Elisabeth in ecclesia praepositurali
Castriguffredi, de cuius titulo et huius parochialis legitime
docuit. In munere quo fungitur scientia vix tolerandus, studio tamen proficiet.
Est in ecclesia sordidus negligens et potius astronomia adictus quam
ecclesiae disciplinae. Est delatus super nonnullis eccessibus. Non habet
clericum. Habitat in domibus parochialibus. Animae sunt circiter 980,
303