san carlo 2 bassa bresciana.qxd - Brixia Sacra

BRIXIA SACRA
per sint omnes clerici et in habitu clericali incedentes, spe tamen initiandi,
qui laycis pueris praeferantur et omnes ab ordinario probentur, eiusque
concessione scriptis impetrata, in eius numerum recipiantur; et assignatio
sponte facta per eandem communitatem 25 scutorum pro sufficienti
sustentatione eiusdem capellani, praesertim quod accedit etiam consensus
reverendissimi ordinarii et praedictae communitatis praetensae patronae,
cui si ordinarius expedire iudicaverit, applicare poterit etiam fructus et redditus
percipiendos ex bonis relictis a quondam rectore Francisco de Cantinis
in primo et secundo legato, qui etiam omnibus divinis officis intersit, ac
quinquies in hebdomada et diebus festis celebret. Altare Beatae Mariae
Rosarii restringatur, ut redigatur ad formam, ita ut inter cancellos et altare
adhiberi possit bradella, et spatium tamen remaneat sacerdoti celebranti et
clerico inservienti. Habeat crucem et candelabra duo auricalchi.
In fronte ecclesiae praeter portam maiorem, aperiantur duo alia ostia et
portae laterales muro obstruantur, et loco, quo porta lateralis meridionalis
obstruitur, fiat capella, quae capellae Rosarii respondeat. Fiant tria confessionalia
ad formam. Sacristia amplietur septentrionem versus, cuius longitudo
ab ipsius sacristiae angulo usque ad campanile se extendat. In eadem sacristia
construantur oratorium et lavatorium ad formam. Pro sacristia provideatur
de infrascriptis rebus, videlicet duabus planetis violacei et viridis coloris
pro diebus festis. [f. 244r] Planeta una cum suis dalmaticis, stollis, manipulis
et pluviale albi coloris. Pulvinaribus duobus panni serici pro festis diebus.
Purificatoriis 40, ad formam. Sacculis, seu bursis pro corporalibus asservandis
quatuor, et totidem velis pro calicibus varii coloris, ut temporum
varietas requirit. Palliis duobus violacei et viridis coloris pro ornatu altaris
maioris. Tabella, in qua notentur officia, anniversaria et missae, quae in dies
celebrari solent. Item libro in quo sacerdotes celebrantes in dies scribant.
Fructus et redditus, qui percipiuntur ex bonis quondam rectoris Petri
de Viis de Roma relictis communitati cum onere eligendi sacerdotem amovibilem,
qui teneatur celebrare singulis festis et bis in hebdomada in ecclesia
parochiali Sancti Mauritii, sint in posterum ad usum unius portionis pro
uno sacerdote, qui perpetuo curam animarum exerceat et omnia munia
parochialia subeat in eadem ecclesia, qua de re communitas etiam consensum
praestitit, qui sacerdos ab hominibus eiusdem communitatis eligatur
et reverendissimo ordinario praesentetur ad praescriptum concilii Tridentini.
Si autem fructus et redditus dictae portionis ad sustentationem eiu-
376