san carlo 2 bassa bresciana.qxd - Brixia Sacra

BASSA CENTRALE
In oratorio Disciplinatorum
Altare clathra lignea sepiatur, et ad formam reducatur infra tres menses,
alioqui in eo ne celebretur. Scholares habeant, serventque regulas ad usum
comunem provinciae Mediolanensis aedendas.
[f. 117v] Pro Consortio pauperum
Redditus consortii in pauperes tantum distribuantur, nisi aliter ex fundationibus
caveatur, qui contrafecerit privatus sit ipso facto administratione, tum
duplum consortio restituere teneatur aliamque poenam subeat arbitrio reverendissimi
episcopi etiam interdicti ab ingressu ecclesiae, sed tantum vere
pauperibus dentur, qua in re dilligentia adhibeatur, ut delligantur probi viri qui
aut a parocho, aut una cum eo aliunde inquirant et explorent dilligenter uniuscuiusque
inopiam, atque iis tantum, et non aliis elemosina tribuatur ab iis, ad
quos spectat, quemadmodum eorum necessitas postulare videbitur. Rationes
singulis annis reddantur vicario foraneo aliive quem reverendissimus episcopus
constituerit ad praescriptum concilii Tridentini. Satisfiat oneri missae
quottidianae ex legato quondam domini Viviani de Vivianis tam pro praeterito,
quam in futurum; aut reductio aliqua impetretur pro ratione redditus.
Pro Monte pietatis
Calcula quotannis fiant ad praesentiam vicarii foranei vel alterius a reverendissimo
episcopo deputati. Granum tantum pauperibus accommodetur.
In oratorio Sanctorum Processii et Martiniani
Ne res profanae in eo asserventur. In eo amplius ne celebretur; donec reparetur
a ruina, quam minatur, ac altare septo ligneo muniatur super gradu per
transversum ecclesiae 5 oratorii constituto. Fiat labium aquae sanctae e lapide
solido, et intus oratorium accomodetur. Fenestella laterale altari obturetur.
[f. 118r] In oratorio campestre Sancti Rochi
Altare maius tollatur infra tres dies, et oneri missarum duarum in hebdomoda
ex legato quondam domini Homeri de Vergois satisfiat per magnificum
dominum Hectorem Brunellum, et alios haeredes in ecclesia archipresbiterali.
Sed cum primum oratorium a parte anteriori ita ampliatum ac in
reliquis ad praescriptum instructionum generalium ornatum fuerit, ut in eo
celebrari possit, oneri legati in eo satisfiat.
13