san carlo 2 bassa bresciana.qxd - Brixia Sacra

BRIXIA SACRA
sfactum; partem vero bonorum per eum testatorem relictorum possident
dominus Antonius Cagionus et David Amidanus et alii.
Cimiterium est undique circa ecclesiam septum in quod patet hostium
domini Antonii Cagioni. Sacristia est parva, domus parochialis est annexa
ecclesiae satis ampla, cum viridario et arca mediante cimiterio. Redditus
annui huius beneficii archipresbiteralis sunt scutorum circiter ducentum
decem cum annua pensione scutorum centum de camera reverendo domino
Claudio Gonzaghae qui promissit contribuere reparationi ecclesiae singulis
annis. Archipraesbiter [f. 197v] habet 1 onus coadiutorem in cura animarum
sustinendi. Titularis archipresbiter est reverendus dominus praesbiter
Altobellus Mandolla de Orisiis brixiensis, aetatis annorum 57 per
permutationem cum reverendo don Andrea de Antoninis, legitime docuit
de titulo et ordinibus, habitat in domibus parochialibus; est etiam vicarius
foraneus, coadiutorem non habet, in presentia. Clericum domi alit in habitu
incedentem. Animae huius parochiae sunt 2400, ex his 1600 sacram
comunionem sumunt. Concubinarii sunt dominus Ludovicus Zenavonus
filius quondam domini Francisci cum Lucretia de Marinonibus, qui Ludovicus
infra quinque dies eam omnino missam facere promissit sub poena
aureorum 100 et excommunicationis pro quo fideiussit dominus Dominicus
Maghella. Praeterea ut inditum fuit, vivunt in concubinatu Maggius de
Mozonibus cum Helisabeth Pelosa, David Avidanus cum muliere nuncupata
Magrena; iugales separatim cum schandalo viventes sunt Iosephus
Viga et *** Pizemina. Schola Doctrinae christianae exercetur.
Schola Sanctissimi Sacramenti coepta de anno 1516, de errectione non
constat, regulas habet non comprobatas. Scholares descripti sunt numero
226. Reguntur a sindico, massario et servitore et duodecim consiliariis qui
quottanis mutantur. Redditus annuos habet librarum 120 vel circa praetera
elleemosinas quae expenduntur in celebrationem missae et ornatum [f.
198r] altaris. Computa fiunt praesente archipraesbitero; exhibiti fuerunt
libri et bene reguntur.
Consortium pauperum adest, cuius institutum est destribuendi redditus
in pauperes 2 pro fine, nullo habito delectu pauperum et absque tamen
interventu rectoris. Redditus annuos habet salmarum centum quadraginta
grani; computa redduntur comunitati, quae deputat tres masssarios; exhibiti
fuerunt libri rationum et bene reguntur.
148