san carlo 2 bassa bresciana.qxd - Brixia Sacra

BRIXIA SACRA
Pro sacristia
In sacristia locetur armarium pro paramentis ecclesiae ad praescriptum
instructionum.
Si confratres societatum Sanctissimi Sacramenti et Rosari paramenta
per eos provisa seiunctim asservare volent, retineantur in eadem sacristia
eorum custodia, sint tamen ad usum et ornatum totius ecclesiae. Infra
mensem provideatur de infrascriptis, videlicet purificatoria 40, sacculi corporalium
quinque diversi coloris pro temporis ratione.
In ecclesia parochiali archipresbiterali nuncupata
Sanctae Mariae del Dosso
Altare maius redigatur ad formam, ac clathra ferrea sepiatur, intereaque in
illo non celebretur. Altare parvum Sanctae Mariae cum capella, seu navi,
constructum tollatur, relicta effigie et hicona.
[f. 192v] In ecclesia Sancti Iusti intra moenia
Pavimentum in ecclesia Sancti Iusti iaciatur, et altare ad formam redigatur
cum clathra ferrea impensis communitatis, et interea ibi non celebretur. Clavis
oratorii maneat penes archipresbiterum, vel alium ab eo deputandum.
In oratorio Sancti Thomae rurali
Oratorium Sancti Thomae altius extollatur, et dealbetur, tectum tabulato
extruatur, ac pavimentum iaciatur. Altare maius redigatur ad formam, et
interea in eo non celebretur. Claves penes sint apud personam aliquam
piam ab archipresbitero deputandam.
Pro confraternitate Corporis Christi
Curae erit societatis Sanctissimi Corporis Christi, ut Sanctissimum Sacramentum
in altari maiori, ea qua decet reverentia asservetur, et ad praedictum
altare satisfaciant oneri, tum missae conventualis, quae in tertia dominica
cuiuslibet mensis celebratur, tum etiam providendi de omnibus necessariis,
quae spectant ad ornatum altaris diebus saltem solemnibus, ad quod
transfertur dicta societas, sine praeiudicio tamen iurium parochialium.
Scholares agant pro exequutione legatorum societati relictorum. Reddant
rationem administrationis singulis annis reverendissimo ordinario, seu eius
vicario foraneo.
240