san carlo 2 bassa bresciana.qxd - Brixia Sacra

BASSA CENTRALE
In oratorio Sancti Rochi
Oratorium reconcinetur, ubi ruinam minatur. Altaria cancellis sepiantur
super gradu superiori per transversum ecclesiae, et bradellae ad formam
fiant. Fenestrae laterales in capella maiori altius reducantur obtureturque
earum pars inferior. Lavatorium et oratorium in sacristia fiant, item et
armarium decens, in quo paramenta asserventur. Provideatur de corporalibus
quatuor et XII purificatoribus ad formam. Item provideatur de paramento
decenti pro celebratione missae. Cappellanus huius oratorii res profanas
in eo ne servet, prout hucusque fecit sub poena decem scutorum
Monti pietatis applicandorum.
In oratorio Sancti Georgii
Altare propius murum perducatur, et cancellis sepiatur [f. 175r] super gradu
superiori cappellae, eique adhibeatur bradella ad formam. Vites et arbores
parieti ecclesiae adhaerentes extirpentur. Reparetur tectum, et adhibeatur
laqueata contignatio, et interim in eo ne celebretur. Res profanae in eo non
asserventur. Altare Sanctae Mariae extra ecclesiam tollatur infra tres dies.
In oratorio Disciplinatorum
Altare deprimatur, tollaturque propterea gradus, ita ut ad formam reducatur
et cancellis sepiatur. Impleatur totum, ita ut nullum vacuum habeat. Fenestrae
laterales altari altius tollantur infra octo dies. Fenestra, per quam e cubicolo
illustris comitis Nicolai in ecclesiam introspicitur 10 , muro obturetur
infra octo dies. Fenestrae laterales portae maiori, per quas introspicitur,
altius exaedificetur infra octo dies. Ne celebretur post octo dies, nisi haec de
fenestris decreta executioni mandata fuerint. Ne loca supra oratorium existentia
usui profano sint. Illustris etiam comes Nicolaus Gambara partem
dicti loci, quam ipse retinet, scholaribus omnino relaxet hinc ad kalendas
novembris proximi, ut nobis pollicitus est. Confratres regulam nuper editam
ad usum Disciplinatorum provinciae Mediolanensis habeant et servent. Ne
comesationes 11 in die iovis sancto faciant, quod manifestum detrimentum
dictae scholae affert. Rationes quottannis recognoscantur, praesente rectore.
[f. 175v] In oratorio Sanctae Annae de Breda
Altare maius cancellis sepiatur, et bradella deprimatur et ad formam reducatur.
Altaria Sancti Rochi et Sancti Antonii in loco angusto sita tollantur.
Baptisterium tollatur infra octo dies, et baptizandi deinceps ad parochia-
183