san carlo 2 bassa bresciana.qxd - Brixia Sacra

BASSA CENTRALE
Verziano [Brescia], San Nicolò
[a. Acta visitationis, ff. 171r-v;
Brescia, XL, ff. 439r-v]
[b. Decreta particularia, ff. 122v-123r;
Brescia, XXVII, ff. 5v, 63r-64r]
[a. CHIESA PARROCCHIALE DI SAN NICOLÒ DI VERZIANO]
[f. 171r] 1580 die dominico sexta mensis martii
Visitavit et caetera ecclesiam parochialem Sancti Nicolai alias abbatiam
nuncupatam loci Verziani unitam Hospitali Maiori Brixiae. Consecrata
creditur. Sanctissimum Sacramentum assidue conservatur in altari maiori,
cui lampas expensis hospitalis praedicti praelucet. Baptisterium non est ad
formam collocatum. Altaria septem habet, videlicet altare maius et alia sex
indotata 1 . Cimiterium est septum. Domus parochialis est annexa cum viridario.
Redditus abbatiae dicuntur scutorum 1500 qui percipiuntur ab hoc
hospitali [f. 171v] ex bulla Innocentii pape de anno 1486; tenetur hospitale
habere duos sacerdotes qui in dicta ecclesia curam animarum exerceant
et divina celebrent, ut ex dicta bulla in visitatione exhibita apparet. Curatus
mercenarius est praesbiter Baptista de Donatis brixiensis, aetatis annorum
62, cum mercede scutorum viginti et salmarum duarum furmenti et plaustri
unius vini et plaustrorum duorum lignorum. Clericum non habet. Animae
sunt 530 ex quibus 340 sanctam comunionem sumunt.
Schola Doctrinae christianae non exercetur. Schola Sanctissimi Sacramenti
est antiqua, de cuius errectione non constat, regulam habet non confirmatam.
Scholares in ea descripti sunt numero 200, offitiales nullos
habet. Redditus nullos praeterquam eleemosinas.
Oratorium Sancti Rochi fratribus Mendicantibus concessum, altaria tria
habet, videlicet altare maius et reliqua indotata. In eo celebratur per fratres.
Redditus nullos habet. Sacristia parva adest. Domus est annexa, in qua
habitant quatuor fratres, videlicet unus sacerdos, clericus et ceteri conversi,
facultatem non exhibuerunt. Conquaeritur curatus quod populus divertatur
a parochiali cum fratres ipsi prius celebrent diebus festis.
29