san carlo 2 bassa bresciana.qxd - Brixia Sacra

BASSA ORIENTALE
In ecclesia Sanctae Mariae Disciplinatorum
In posterum non vendantur bona stabilia scholae sine facultate legitima,
nec ad longius [f. 241v] tempus triennio locentur. Fructus et redditus, qui
supersunt solutis oneribus, erogentur pauperibus Christi vere indigentibus;
eorum paupertas prius a visitatoribus deputatis, et a vicario curato eiusdem
loci probentur, et massarius, cum schedulam ab ipso etiam vicario
subscribendam acceperit, eleemosinam tradat. Idem ordo probandae paupertatis
servetur cum eleemosina in die Resurectionis et Nativitatis Domini
eroganda est. Paramenta et calices scholae usui sint sacerdotibus ibi celebrantibus.
Commessationes amplius a confratribus non fiant, etiam in feria
quinta Coenae Domini. Servent regulas ad usum totius provinciae Mediolanensis
editas. Tollatur intra octo dies capsina annexa a vicino pariete
ecclesiae, vel separetur muro congruo spatio intra mensem ab ipso muro
ecclesiae, sub poena interdicti ab ecclesia.
In oratorio Sancti Rochi
Capella maior clathris ferreis, vel saltem cancellis ligneis sepiatur ex eleemosinis,
quae in dies obveniunt. Altaria lateralia repleantur et solidentur, et
ad formam redigantur, eorumque capellae cancellis ligneis sepiantur, et
interea in illis non celebretur.
1
commodi originale.
361