san carlo 2 bassa bresciana.qxd - Brixia Sacra

BASSA CENTRALE
Monticelli d’Oglio, Santa Croce
[a. Acta visitationis, ff. 207r-208r;
Brescia, XL, ff. 436r-437r]
[b. Decreta particularia, ff. 178r-179v;
Brescia, XXVII, ff. 114r-v]
[a. CHIESA PARROCCHIALE DI SANTA CROCE DI MONTICELLI]
[f. 207r] Die mercurii 23 suprascripti mensis et anni
Visitavit et caetera ecclesiam parochialem Sanctae Crucis loci de Monticello
et deinceps intra eius fines infrascriptas ecclesias et scholas; non est consecrata,
parva, a comunitate fabricata. In ea Sanctissimum Sacramentum
assidue asservatur coram [f. 207v] quo lampas expensis comunitatis ardet.
Baptisterium adest, sed incongruum.
Altaria tria habet, videlicet altare maius, altaria reliqua indotata. Sacristia
a parte meridionali est parva tamen. Cimiterium non adest, sed mortui
sepeliuntur in ecclesia campestri Sancti Silvestri. Domus est annexa ecclesiae
in qua habitat curatus. Redditus nullos habet, sed comunitas sustinet
curatum. Curatus mercenarius nunc est praesbiter Ioseph de Pelatis
brixiensis, aetatis annorum 38 cum annua mercede librarum centum viginti,
zerlarum quinque vini et fassinarum 300 quae solvuntur a nobilibus et
comunitate. Habitat in domibus ecclesiae, legitime docuit de ordinibus,
clericum non habet. Animae sunt 500, ex his sacram comunionem sumunt
300. Inditum fuit quod Petrus Cremona in concubinatu vivit. Schola Doctrinae
christianae non exercetur.
Schola Sanctissimi Sacramenti annis decem citra 1 incepta, non autem
errecta, nullam habet regulam, regitur a massario qui non mutatur ob
carentiam hominum qui ad id munus habiles sint, nullum habet redditum
praeter elleeemosinas quae expenduntur in cereos, ornatum altaris, in
fabricandas sepulturas.
Exhibiti fuerunt libri, recto ordine describuntur; ex praedictis libris
apparet quod scholares coguntur nescio quid quottanis solvere. Schola
Rosarii ab annis duobus citra incepta, nullos redditus habet, in ea descripti
sunt scholares numero 15 vel circa.
193