san carlo 2 bassa bresciana.qxd - Brixia Sacra

BASSA ORIENTALE
Casalmoro, Santo Stefano
[a. Acta visitationis, ff. 230r-231v;
Brescia, XXVIII, ff. 32r-34v; XL, ff. 207r-209r, 216r-218v]
[b. Decreta particularia, ff. 207v-209v;
Brescia, XXVII, ff. 200r-202r; XXIX, ff. 32r-34r]
[a. CHIESA PARROCCHIALE DI SANTO STEFANO DI CASALMORO]
[f. 230r] Die 23 martii presentis anni
Visitavit ecclesiam parochialem archipresbiteratum nuncupatam 1 Sancti
Stephani loci Casalis Mauri, quae ecclesia erat simplex sed ob populi
commmodum in ea translata est cura animarum quae alias erat in ecclesia
archipraesbiteratus nuncupata Sanctorum Faustini et Iovitae, quae titulum
archipresbiteratus etiam in presenti retinet ut patet ex collatione dicti
beneficii. Deinde visitavit infrascriptas ecclesias, oratoria et scholas. Haec
ecclesia est consecrata, angusta tamen et sine ornatu. In ea [f. 230v] Sanctissimum
Sacramentum assidue asservatur cum lampade prelucenti archipraesbiteri
impensis. Reliquiae sacrae quaedam adsunt. Baptisterium rude.
Altaria tria adsunt videlicet altare maius sine dotatione, altare Corporis
Domini cum schola sub eodem titulo in quo tertia dominica cuiuslibet
mensis missa et die sequenti officium pro mortuis celebratur ex ipsius
scholae instituto. In eodem altari est legatum plodii unius terrae relictum a
quondam Thimoteo Guarino cum onere duodecim missarum in anno, cui
satisfit. Aliud legatum librarum centum semel tantum relictum a quondam
Andrea Mingerio cum onere celebrandi decem officia pro mortuis, cui satisfit.
Altare Beatae Mariae Virginis cum schola Rosarii in quo ex eiusdem
scholae instituto in prima dominica cuiuslibet mensis celebratur missa
conventualis. Coemiterium septum parietibus nimis depressis adest.
Sacristia item sed humida et suppellectili non admodum instructa. Domus
parochiales satis commodae et ecclesiae contiguae 2 intermedia via ecclesiae 3 ex
collectis et contributionibus archipraesbiteri 4 et communitatis ad libitum
ipsorum reparatur. Redditus annui archipresbiterales et parochiales sunt scuta
450, super quibus erat pensio scutorum 350 reservata reverendo domino
Ludovico de Arrivabenis, quam titularis extinxit scutis 1500 pensionario enu-
291