san carlo 2 bassa bresciana.qxd - Brixia Sacra

BRIXIA SACRA
cum habet. Animae sunt circiter 2000, ex his vero quae sacram comunionem
sumunt numero 1000. Schola Doctrinae christianae exercetur.
Schola Corporis Domini est antiqua, erectionem neque regulam habet, in
ea descripti sunt scholares numero 200 vel circa. Regitur a rectore, sindicis
rationatoribus et massario qui mutantur ad libitum. Redditus annuos habet
ducatorum viginti praeterea ellemosinas quae expenduntur in celebrationem
missarum in cereos et oleum pro lampade et ornatum altaris. Administrationum
rationes non redduntur et eorum libri non recte describuntur.
Oratorium Sancti Antonii in capsinis de Solerio altare habet absque redditu
et onere. In eo celebratur diebus festis ex devotione domini Ulissis Rodenghi.
Oratorium Disciplinatorum nuncupatum Sancti Laurentii, altare habet
ligneum et ammovibile. In eo aliquando celebratur; in hoc oratorio est
schola Disciplinatorum cepta ab annis XII citra, de errectione non constat,
habet regulam ad usum provinciae mediolanensis aeditam. In ea descripti
sunt scholares numero 13, gestant habitum album. Regitur a ministro, subministro,
massario, consiliariis qui singulis annis mutantur. Redditus
annuos habet aureorum unius praeterea elleemosinas etiam coacervarint
salmas XIII milii quae pauperibus accomodantur cum promissione [f.
192r] restituendi ad messem futuram. Exhibiti fuerunt libri rationum qui
rectius regendi sunt.
Consortium pauperum nuncupatum regitur a tribus deputatis perpetuis
a comunitate ellectis, qui deputati quottanis massarium constituunt. Redditus
annuos habet librarum quadraginta, quae pauperibus a deputatis
ellectis distribuuntur in pane cocto tempore nativitatis Domini. Computa
redduntur a massario deputatis.
Ecclesia Sancti Ieronimi fratrum Carmelitarum satis ampla, in ea Sanctissimum
Sacramentum conservatur pro comunione fratrum. Altaria undecim
adsunt, videlicet altare maius, altare Sanctae Mariae cum schola Sanctae
Mariae ex cuius devocione celebratur. Schola ipsa est antiqua, de errectione
non constat, regulam habet confirmatam ab ordinario, in ea descripti
sunt scholares numero 160. Regitur per praefectum, rationatores, massarium
et servitorem qui singulis annis mutantur. Nullos habet redditus
122