san carlo 2 bassa bresciana.qxd - Brixia Sacra

BASSA ORIENTALE
ad finem introspicendi muro obturentur. Quicquid prophani in dicta ecclesia
repertum est, quamprimum ab ea auferatur, nec amplius in ea tale quicquam
remanere permittatur. Servent regulas as usum provinciae Mediolanensis
editas. Ne deinceps commessationes faciant, neque aliud ex bonis
oratorii ad usum sive utilitatem particularium impendeant. Aedes eiusdem
scholae non locentur laicis personis, sed tantum sint ad usum praedicatoris
et ecclesiasticarum personarum. Archipresbiter frequentius congregationibus
ipsorum Disciplinatorum ac rationibus per officiales qualibet vice reddendis
intersit, quae saltem singulo anno coram vicario reddantur.
In schola Sanctissimi Sacramenti
Scholares habeant regulas a reverendissimo ordinario probatas, illasque
observent. [f. 186v] Officiales singulo anno deligantur, et probentur a reverendissimo
ordinario. Capitula et decreta, quae hucusque acta reperiuntur,
reverendissimo ordinario exhibeantur et ab eo probentur, et quae in posterum
fient eiusdem ordinarii auctoritate confirmata; si vero aliter quam praescriptum
est aliquid statuatur, irritum sit. In posterum bona stabilia eiusdem
societatis perpetuo non alienentur, neque ad diuturnum tempus ultra
triennium absque ordinarii concessu locentur. Ratio administrationis singulo
anno reverendissimo episcopo, seu alii ab eo deputando, reddatur et si
saepius infra annum rationes fient, illis semper archipresbiter intersit.
Pro oratorio rurali Sancti Zenonis
Oratorium Sancti Zenonis si infra annum non reparetur, poenitus destruatur,
et eius materiam in usus prophanos non sordidos ad utilitatem ecclesiae
Sancti Pancratii converti possi conceditur.
Pro Consortio communitatis
Domus reparentur. Pauperes, quibus eleemosinae erogandae sunt, prius ab
archipresbitero et deputatis probentur. Magister Vincentius Subianus
occupatur petiae unius terrae sitae in vicinia Sanctae Margaritae pertinentis
ad consortium pauperorum, ad illam relinquandam, et fructuum restitutionem
a tempore dictae occupationis citra, prout iuris fuerit, compellatur.
Haeredesque domini Francisci de Magdalenis occupatores petiae unius terrae
spectantis ut supra, sita ut supra in vicinia Fracassinae, cui inhaeret ab
oriente via Calcinati, a septentrione ingressus, et a meridie seriola magna,
219