san carlo 2 bassa bresciana.qxd - Brixia Sacra

BASSA ORIENTALE
Medole, Santa Maria Assunta
[a. Acta visitationis, ff. 219v-221v;
Brescia, XXVIII, ff. 13r-15v; XL, ff. 77, 82r-85v, 120r-121v, 137r]
[b. Decreta particularia, ff. 191r-193r;
Brescia, XXVII, ff. 197r-198v; XXIX, ff. 13v-14r]
[a. CHIESA PARROCCHIALE DI SANTA MARIA ASSUNTA DI MEDOLE]
[f. 219v] Die 13 martii praedicti anni
Visitavit ecclesiam Sanctae Mariae Assumptionis loci Medularum, in qua
translata est cura animarum quae olim exercebatur in ecclesia Sanctae
Mariae Nativitatis, archipresbiteratus nuncupata, cum redditibus et oneribus
et deinde visitavit intra eius fines infrascriptas ecclesias, cappellas, oratoria,
scholas et loca pia. Consecrata est et satis ampla decentique opere
extructa. In [f. 220r] ea Sanctissimum Sacramentum assidue asservatur
cum lampade accensa expensis confraternitatis Sanctissimi Sacramenti.
Sacrae quaedam 1 reliquiae custodiuntur in capsulis plumbeis super altari
Sancti Spiritus. Baptisterium incongruum adest. Altaria octo videlicet altare
maius. Altare Sancti Petri habet legatum ducatorum decem quotannis
relicto a quondam Thaurinio cum onere celebrandi tres missas in hebdomadas,
cui satisfit. Cappellanus amovibilis est praesbiter Franciscus de
Castrozate eiusdem loci Medularum annorum 65, sacerdos, qui docuit de
ordinibus, nullum habet beneficium, habitat in domibus ecclesiae. Altare
Sanctissimi Sacramenti cum schola sub eodem titulo in quo aliquando
ipsius scholae devotione celebratur. Altare Sancti Viti cum schola Rosarii,
in quo ex eiusdem devotione missa conventualis et quattuor officia pro
mortuis quotannis celebrantur. Altaria reliqua indotata sunt.
Coemiterium est clausum parietibus. Sacristia adest. Domus parochiales
ecclesiae annexae sunt sed angustae. Fabricae ecclesiae necessaria communitas
ad eius libitum subministrat, pro concione quadragesimali quae
singulis annis habetur ad omnimodas expensas concurrit communitas, qui
quidem habitare dicitur in quibusdam cubiculis super navi ecclesiae constructis.
Redditus annui archipresbiterales sunt scutorum circiter 300,
super quibus est annua pensio ducatorum 200, ex reliquis fructibus tenetur
235