san carlo 2 bassa bresciana.qxd - Brixia Sacra

BRIXIA SACRA
Oratorium Sancti Georgi est situm intra fines parochiae, reparatione
indiget, non clauditur. Nullum habet redditum 1 .
1
Corretto da redditus.
[b.] [f. 203r] In ecclesia parochiali Sancti Laurentii Casalispodii
Si communitas Casalispodii congruam portionem constituerit, quae sufficiens
sit ad [f. 203v] sustentationem sacerdotis, iudicio ordinarii, curati,
seu rectoris pro cura animarum retinere possint, si vero communitas eam
portionem constituere et dare recusaverit, ipsam parochialem curam reverendissimus
ordinarius alii propinquiori curae adiungat. Sanctissimum
Sacramentum assiduo cum lampade accensa teneatur impensis populi et
societatis Corporis Christi. Capella maior sepiatur saltem cancellis ligneis.
Altaria lateralia tollantur. Baptisterium fiat ad formam, et locetur in angulo
septentrionali intus portae maioris, et sepiatur cancellis ligneis. Purificatoria
quindecim, corporalia tria cum sacculis ad formam, et tot velis pro
calice diversi coloris pro varietate temporis comparentur impensis populi.
Teneatur clericus sumptibus populi, qui idoneus sit, et semper in habitu
et tonsura incedat. Tabernaculum ligneum intus circumvestiatur panno serico,
et ratio ineatur si aliud tabernaculum maius ac decentius fieri posset. Ne
in posterum curati eiusdem ecclesiae, etiam si mercenarii sint, incidant
arbores contra praescriptum curae parochialis sine concessione scripta reverendissimi
ordinarii, poena suspensionis ipso facto incurrenda, laici vero qui
id facere audebant censuris subiaceant ad praescriptum concilii Tridentini.
In ecclesia Sancti Georgii campestre
Ecclesia Sancti Georgii reparetur, et ostia sera et clave muniantur, et clausa
retineantur ne intus foedum aliquod a viatoribus committatur, neve bestiis
aditus pateat. Pavimentum aequetur, tectum cum sufficta construatur et
parietes incrustentur et dealbentur. [f. 204r] Ostium laterale muro claudatur,
et maius ostium tantummodo remaneat, quod quidem sera et clave
semper clausum retineatur.
290