san carlo 2 bassa bresciana.qxd - Brixia Sacra

BASSA CENTRALE
Bagnolo, Santa Maria Elisabetta
[a. Acta visitationis, ff. 167r-169r;
Brescia, XL, ff. 74r, 356r-359r]
[b. Decreta particularia, ff. 116r-119r;
Brescia, XXVII, ff. 8v, 55r-59r]
[a. CHIESA PARROCCHIALE DI SANTA MARIA ELISABETTA DI BAGNOLO]
[f. 167r] 1580 die quarto mensis martii
Praedictus multum reverendus dominus Carolus de Augustinis decretorum
doctor, abbas Sancti Martini Regiensis et visitator subdelegatus, visitavit
parochialem ecclesiam Sanctae Mariae Helisabet archipresbiteralem nuncupatam
loci Bagnoli, deinde infrascriptas ecclesias, capellas, oratoria, scholas
et pia loca intra eius fines constituta. In qua quidem ecclesia ipse reverendus
dominus visitator fuit ab infrascriptis archipresbitero et clero populoque
exceptus ibidemque iuxta morem sibi ab illustrissimo visitatore in omnium
parochialium visitatione 1 praescriptum, post peractam ad Deum optimum
maximum (ut par est) ante altare maius orationem, ad clerum populumque
satis frequentis concursus publice de causis adventus sui deque salutaribus
animarum remediis et rebus ad visitationem ipsam spectantibus verba fecit.
In ea Sanctissimum Sacramentum assidue asservatur. In altare maiori cui
lampas impensis titularis praelucet. Baptisterum adest non ad formam.
Altaria quinque adsunt videlicet altare maius. Altare Corporis Domini
dotatum cum onere misse quotidiane in tres reductae ab ordinario ob tenuitatem
redditus, ad quod onus tenetur scola ex relicto quondam presbiteri
Bartholomei de Ferariis. Redditus annui sunt librarum 45. Capellanus mercenarius
est presbiter Abron de Valguliis de Balneolo brixiensis, aetatis
annorum 30, cum mercede annua librarum quinquaginta, legitime docuit de
ordinibus, idoneus ad celebrationem misse. In predicto altari scola praedicta
celebrari facit missam cum cantu singula tertia dominica cuiuslibet mensis.
Altare Sancti Vincentii dotatum redditu annuo librarum 40 cum onere
missae quottidiane ad quatuor reductae ob tenuitatem reddittus, ad quas
tenetur consorcium pauperum ex relicto quondam domini Viviani de Vivianis.
Cappellanus mercenarius est predictus presbiter Abron cum mercede
5