san carlo 2 bassa bresciana.qxd - Brixia Sacra

BASSA ORIENTALE
In ecclesia, sive oratorio Sanctae Mariae Assumptionis
nuncupata del Dosso
Ostiolum, quod est penes altare, muro claudatur et solum ostium in frontispicio
remaneat. Oratorium aliud, quod inhaeret ecclesiae a parte meridionali
tollatur una cum altari, ad quod deinceps non celebretur. Coemiterium
muro sepiatur impensis populi. Tegumentum decens fiat saltem ex
tela depicta et appendatur super altare, quo ipsum et sacerdos celebrans
contegantur.
In ecclesia Sanctae Mariae Disciplinatorum
Altare maius claudatur cancellis ligneis saltem. [f. 209v] Servent regulas ad
usum totius provinciae mediolansis editas. Ne deinceps fiant commessationes
sub poena restitutionis duppli et privationis et cassationis a numero scholarium.
Officiales singulis annis praeficiantur et a reverendissimo ordinario
confirmentur. Reddant rationem administrationis deputatis singulis annis,
praesente parocho et reverendissimo ordinario, vel alio ab eo deputato.
Redditus, qui in eleemosinam elargiendi sint, vere tantum indigentibus
et pauperimis distribuantur. Eligantur huius decreti auctoritate a communitate,
ut homines, qui recognoscant possessiones, terras et bona omnia ad
dictam confraternitatem spectantia, uti olim fecit reverendissimi ordinarii
iussu, et de qua recognitione a communitate facta extat apud dictos confratres
publicum instrumentum.
Ne in posterum cubicula et loca super oratorio constructa habitentur a
concionatore, nec ad aliquem prophanum usum concedantur et permittantur,
sed tantum oratorii usui sint. Ne deinceps bona aliqua praedictae confraternitatis
vendantur, nec in longius tempus triennio locentur sine facultate
scripta superiorum ecclesiasticorum, alioqui poenam excomunicationis
ipso facto subeant, et contractus nihilominus irritus sit, planeque nullus.
297