san carlo 2 bassa bresciana.qxd - Brixia Sacra

BRIXIA SACRA
Sacristia perficiatur infra sex menses cum lavatorio decenti et oratorio.
In ea fiat armarium decens e tabulis nuceis confectum, in quo cappellani
separatim paramenta sua asservent, et fiat armariolum superius in modum
gradus, in quo calices, corporalia et alia eiusmodi reponantur. Caemiterium
muro sepiatur infra tres menses a communitate, et clathra in ingressibus
fiant, ne bestiae ingredi possint, et sepulturae in eo existentes quamprimum
finiantur ac tegantur ad formam. [f. 141r] Confessionalia quatuor ad
praescriptam formam fiant, quae in loco perspicuo reponantur.
Domus pro habitatione curati infra biennium saltem construatur prope
ecclesiam praeposituralem a parte meridionali in spacio versus plateam sive
stratam publicam, ita ut eius viridarium respiciat versus occidentem, nec
ulterius promineat quam facies ecclesiae. Quae omnes expensae exceptis
cappellis minoribus fieri debebunt ex fructibus beneficii cum auxilio communitatis
et nobilium loci. Provideatur etiam huic ecclesiae curatae de
omnibus paramentis et suppellectile ad praescriptum instructionum generalium
ex fructibus eiusdem praepositurae. Stippendium item detur clerico
idoneo, qui in habitu et tonsura incedat, et ecclesiae inserviat.
Praepositus obtineat licentiam a reverendissimo ordinario pro sororis
cohabitatione. Ultra sex menses neptem suam domi secum minime retineat
sub poena quinquaginta scutorum applicanda scholae Sanctissimi Sacramenti.
Ultra cappellanum coadiutorem Sancti Hieronimi, quamprimum extinguantur
pensiones quibus haec praepositura gravata reperitur, praepositus
alium coadiutorem idoneum suis sumptibus manuteneat, quod si aliquando
ultra mensem caruerit, quamdiu defuerit rata portio stippendii illius coadiutoris
scholae Sanctissimi Sacramenti ipso facto applicata esse censeatur.
Baptista Iohachin, Sebastianus Cigala et Petrus Mainettus, qui in Pascate
proxime praeterito sanctissimum eucharistiae sacramentum non sumpserunt,
nisi termino XV diem [f. 141v] sese confiteantur et sanctissimum
eucharistiae sacramentum sumant ab ecclesia interdicti publicentur. Paulus
Sabadinus alias exactor Montis pietatis, seu Consortii huius loci, et qui
debitor reperitur de salmis octuaginta duabus milii, cogatur omnibus iuris
remediis ad restitutionem etiam poena interdicti ab ecclesia. Dominus
Marcus Bonaventura heres quondam domini Iohannis de Rubera singulis
terminis Pascatis resurrectionis et Nativitatis Domini satisfaciat legato
distribuendi libras centum pro singulo termino in pauperes huius loci, iuxta
piam voluntatem dicti testatoris. Presbiter Hector a divinis se abstineat
92